بىرەۋ جامانداسا قۇلاق شىڭىلدايتىنى راس پا؟

 قۇلاق شىڭىلداۋىنىڭ وزىندىك سەبەپتەرى بار ما دەگەن كوپشىلىكتىڭ ساۋالىنا ihsan.kz جاۋاپ بەرەدى.

«كەيبىر حاديس كىتاپتارىندا قۇلاقتىڭ شىڭىلداۋىنا قاتىستى مىناداي «ءالسىز» ريۋايات كەلتىرىلەدى. وندا پايعامبارىمىز (س. ا. ۋ. ) بىلاي دەگەن ەكەن: «الدەكىمنىڭ قۇلاعى شىڭىلداسا، مەنى ەسكە الىپ، ماعان سالاۋات ايتسىن جانە بىلاي دەسىن: «ۋا اللا! مەنى جاقسىلىقپەن ەسكە الۋشىنى سەن دە جاقسىلىقپەن ەسكە ال!» .

اتالمىش ريۋاياتتى حاديس عۇلامالارىنىڭ كەيبىرى ءالسىز دەسە، كەيبىرى مۇلدەم «ويدان شىعارىلعان حاديس» دەيدى. ءبىراق ءال- حافيز ءال- ءھايسامي (ر. ا. ) سىندى الىپ حاديسشى اتالمىش ريۋاياتقا «حاسان» دەپ، باعا بەرگەن.

وسى ريۋاياتتا قۇلاق شىڭىلداۋدىڭ سەبەبى - الدەبىرەۋدىڭ ەسكە الۋىندا جاتىر دەگەنگە يشارا بار. ايتسە دە، ونىڭ ناقتى سەبەبىن وزگەنىڭ ماقتاۋىنان نەمەسە جامانداۋىنان ىزدەمەي، مەديتسينالىق تۇجىرىمداردان قاراستىرعانىمىز دۇرىس.

قانداي بولعاندا دا، قۇلاق شىڭىلداعان كەزدە پايعامبارىمىزعا (س. ا. ۋ. ) سالاۋات ايتىپ جاتساق، ونىمىز ارتىق بولماس. ەڭ دۇرىسى - اللاعا ءمالىم"، - دەيدى باسىلىم.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى