استانالىق سارباز گيتارامەن ابايدىڭ ءانىن ورىندادى - فوتو

ەلوردالىقتار ءۇشىن اباي ەسكەرتكىشى الدىنداعى ءداستۇرلى شارانى استانا قالاسىنىڭ تاريحي-مادەني مۇرا وبەكتىلەرىن جانە ەسكەرتكىشتەردى ساقتاۋدى قامتاماسىز ەتۋ جونىندەگى ديرەكسياسى وتكىزدى.

اقىنىن ۇلىقتاعان استانالىقتاردىڭ الدىندا ق ر ەڭبەك سىڭىرگەن قايراتكەرى قياقباي اسامبايەۆ ابايدىڭ «ايتتىم سالەم، قالامقاس» پەن «كوزىمنىڭ قاراسى» اندەرىن ورىندادى. جاندى داۋىستاعى «قۇلاقتان كىرىپ بويدى الار» اسەم ءاننىڭ ورىنداۋشىسى كوپشىلىكتىڭ قوشەمەتىنە بولەندى.

بۇدان كەيىن استانا قالاسى اكىمدىگىنىڭ قارتتار مەن مۇگەدەكتەرگە ارنالعان الەۋمەتتىك-مەديتسينالىق مەكەمەسىنىڭ قارتتارى ابايدىڭ ورىس تىلىنە اۋدارىلعان ولەڭدەرىن وقىدى.

شاراعا ق ر مەملەكەتتىك كۇزەت قىزمەتىنە قاراستى 0112، ق ر ۇلتتىق ۇلانىنىڭ 5573 اسكەري ءبولىمىنىڭ اسكەريلەرى دە قاتىستى.

اباي مۇراسىنان ساربازدار دا كەندە ەمەس ەكەن. ورتاعا شىعىپ اقىننىڭ ولەڭىن جاتقا ايتىپ، اندەرىن اۋەلەتە ورىنداعان ساربازدار شارا كوركىن قىزدىرا ءتۇستى.

اسىرەسە، اسقار بازاربايدىڭ گيتارامەن ورىنداعان «كوزىمنىڭ قاراسى» ءانى جينالعان جۇرتشىلىقتىڭ زور ىقىلاسىنا يە بولدى. «قاراعاندى وبلىسىنىڭ مايقۇدىق وڭىرىنەن كەلىپ وتىرمىن. 7 جاسىمنان باستاپ ءان ايتامىن. شىنى كەرەك، بۇرىن گيتارامەن ابايدىڭ اندەرىن ورىنداپ كورمەپپىن. ەندىگى كەزەكتە، ابايدىڭ وزگە دە اندەرىن گيتاراعا سالىپ، ورىنداسام با دەيمىن»، - دەيدى اسقار بازارباي. شارا بارىسىندا 60№ مەكتەپ-ليتسەيىنىڭ وقۋشىلارى اباي ولەڭدەرىن وقىپ، كوپشىلىك جىلى اسەرمەن تارقاستى.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى