ق ر ۇلتتىق بانكى بانك سەكتورىنىڭ قارجىلاي تۇراقتىلىعىن نىعايتپاق
مەملەكەت باسشىسىنىڭ قازاقستان حالقىنا جولداۋى شەڭبەرىندە ايتىلعان تاپسىرماسىن ورىنداۋ ماقساتىندا، قازاقستان رەسپۋبليكاسىنىڭ ۇلتتىق بانكى قازاقستان رەسپۋبليكاسى بانك سەكتورىنىڭ قارجىلىق تۇراقتىلىعىن نىعايتۋ باعدارلاماسىن (بۇدان ءارى - باعدارلاما) قابىلدادى.
باعدارلاما بانك سەكتورىنىڭ قارجىلىق تۇراقتىلىعىن قامتاماسىز ەتۋ بويىنشا ءۇش باعىتتى كوزدەيدى: (1) قاداعالاۋعا دەن قويۋدىڭ ساپاسىن جانە جەدەلدىگىن ارتتىرۋ ءۇشىن رەتتەۋ جانە قاداعالاۋ ورتاسىن وزگەرتۋ؛ (2) جۇيە قۇراۋشى بانكتىڭ قارجىلىق ورنىقتىلىعىن ارتتىرۋ؛ (3) ءىرى بانكتەردىڭ قارجىلىق ورنىقتىلىعىن ارتتىرۋ»، - دەلىنگەن حابارلامادا.
سونىمەن قاتار وندا باعدارلامانىڭ مەملەكەت قاراجاتىنىڭ اقىلىلىعى، مەرزىمدىلىگى جانە قايتارىمدىلىعى قاعيداتتارىنا سايكەس ىسكە اسىرىلاتىندىعى ايتىلعان.
باعدارلامادا اكسيونەرلەردىڭ بانكتەردى قوسىمشا كاپيتالداندىرۋ جونىندەگى ورتاق جاۋاپكەرشىلىگى كوزدەلەدى. سونداي-اق باعدارلاما شەڭبەرىندە بانكتەردىڭ اكسيونەرلەرى بانكتى قوسىمشا كاپيتالداندىرۋ جانە اكتيۆتەردىڭ ساپاسىن جاقسارتۋ جونىندە شارالار قابىلداۋعا ءتيىس. بۇل باعدارلاماعا قاتىسۋدىڭ مىندەتتى تالابى بولىپ تابىلادى. بانكتەردىڭ ودان ءارى دامۋى مەن جۇمىس ىستەۋىنىڭ قارجىلىق مودەلدەرىن قوسا بەرە وتىرىپ ولاردىڭ باعدارلاماعا قاتىسۋىنا ارنالعان وتىنىمدەردى ۇلتتىق بانك باسقارماسى قارايدى.
تۇتاستاي العاندا، بانكتەردىڭ قارجىلىق تۇراقتىلىعىن نىڭايتۋ جونىندەگى شارالار 5 جىل ىشىندە بانكتەردىڭ بالانستارىن پروبلەمالىق بەرەشەكتەن تازارتۋعا (كاپيتالداندىرۋدى ەسەپتەن شىعارۋدى، كەشىرۋدى جانە اكتيۆتەردىڭ ساپاسىن جاقسارتۋ بويىنشا باسقا شارالاردى قامتاماسىز ەتۋ ەسەبىنەن)، بانك سەكتورىنىڭ جيىنتىق مەنشىكتى كاپيتالىن ۇلعايتۋعا اكەلەدى، بۇل بانكتەردىڭ ەكونوميكانىڭ ناقتى سەكتورىن نەسيەلەۋىنە قولداۋ كورسەتەدى.
مەنشىكتى كاپيتالدىڭ ءوسۋى جانە جۇمىس ىستەمەيتىن نەسيەلەردىڭ تومەندەۋى بانكتەردىڭ قولدانىستاعى ستراتەگيالارىن جانە بيزنەس-مودەلدەرىن قايتا قاراۋعا جانە وڭتايلاندىرۋعا اكەلەدى، ولاردىڭ ناتيجەسىندە بانكتەردىڭ بانك قىزمەتتەرىنىڭ جاڭا جانە ءتيىمدى تۇرلەرىن كرەديتتەۋگە، كەڭەيتۋگە جانە دامىتۋعا دەگەن بەلسەندىلىگىنىڭ ارتۋى كۇتىلەدى. باعدارلامانىڭ وپەراتورى ق ر ۇلتتىق بانكىنىڭ ەنشىلەس ۇيىمى - «قازاقستاننىڭ ورنىقتىلىق قورى» ا ق (بۇدان ءارى - وپەراتور) بولىپ تابىلادى، ول اقشا قاراجاتىن بەرۋ ارقىلى قاتىسۋشى بانكتەرگە قارجىلىق قولداۋ تەتىگىن ىسكە اسىرادى.
