ەلوردادا «قازاق ەلىنە مىڭ العىس» ەسكەرتكىشى سالىنادى
بۇل تۋرالى بۇگىن «رۋحاني جاڭعىرۋ» باعدارلاماسىن جۇزەگە اسىرۋ ماسەلەلەرى جونىندەگى ساراپشىلار توبىنىڭ وتىرىسىندا استانا قالاسى اكىمىنىڭ ورىنباسارى ەرمەك امانشايەۆ ءمالىم ەتتى، دەپ حابارلايدى قازاقپارات.
«مەملەكەت باسشىسىنىڭ تاپسىرماسى بويىنشا كەلەر جىلى قالادا «قازاق ەلىنە مىڭ العىس!» ەسكەرتكىشى ورناتىلادى.
قازىرگى ۋاقىتتا كونكۋرستىق شارالار وتكىزىلىپ جاتىر. ول قيىن-قىستاۋ كەزەڭدە قازاقستانعا ەرىكسىز قونىس اۋدارىلعان ەتنوستار مەن حالىقتاردىڭ بارلىق وكىلدەرىنە ءۇمىت وتىن سىيلاپ، جان جىلۋىمەن، نانىمەن بولىسكەن قازاق حالقىنا قۇرمەتتىڭ بەلىگىسى رەتىندە العىس كۇنىنە ارنالادى»، - دەدى ەرمەك امانشايەۆ.
سونىمەن قاتار ول بۇگىنگى كۇنى ەلوردادا الەم قابىرعاسى قۇرىلىسىنىڭ سۇلباسىنا قاتىستى ۇزدىك ۇسىنىستار بايقاۋى ءوتىپ جاتقاندىعىنىن ايتتى.
