اتىراۋدا جەكپە-جەك فەستيۆالى وتەدى

شارا 19-تامىزعا بەلگىلەندى. جارىس م م ا، دزيۋدو، سامبو، جاۋىنگەرلىك سامبو، تاەكۆاندو، جەكپە-جەك، كاراتە ۆ ك ف، بوكس، كيكبوكسينگ، تاي بوكسى، پانكراتيون، گرەك-ريم كۇرەسى، دجيۋ دجيتسۋ، كيوكۋشينكاي كاراتە، ەركىن كۇرەس جانە ت. ب. جەكپە-جەكتىڭ 15 ءتۇرى بويىنشا وتەدى.

مۇندا اتىراۋ وبلىسىنىڭ سپورتشىلارى تاياۋ جانە الىس شەت ەلدەردەن كەلگەن لايىقتى قارسىلاستارمەن ونەر كورسەتەدى. مۇنايلى ولكەگە 16 مەملەكەت - ۋكراينا، رەسەي، گرۋزيا، ازەربايجان، برازيليا، كورەيا، تۇركيا، يسپانيا، تايلاند، پولشا، بەلگيا، يران، ماروككو جانە باسقا ەلدەردەن سپورتشىلار كەلەدى دەپ جوسپارلانۋدا.

شارا ۇيىمداستىرۋشىسى، دەنە شىنىقتىرۋ جانە سپورت باسقارماسىنىڭ باسشىسى ازامات بەكەتتىڭ ايتۋىنشا، فەستيۆال وڭىردە سپورتتى، سالاۋاتتى ءومىر سالتىن ناسيحاتتاۋ ماقساتىندا وتكىزىلەدى.

«ATYRAU SPORT FEST-2017 شاراسى اياسىندا كورەرمەندەر ءبىر كۇندە جەكپە-جەكتىڭ بارلىق ءتۇرىن تاماشالاي الادى. فەستيۆال قوناقتارىنا م م ا بويىنشا ايقاس وتكىزەمىز. برازيليالىق سپورتشى فورتۋناتو راپامەن اتىراۋدىڭ اتاقتى بالۋانى يساتاي تەمىروۆ شىعادى. كەلەسى جىلى اتىراۋدا سپورتتىق ويىن تۇرلەرى فەستيۆالىن وتكىزۋ جوسپارلانۋدا»، - دەدى ازامات بەكەت.

سونداي-اق باعدارلاماعا قازاقستاندىق ەسترادا جۇلدىزدارى مەن شەتەلدەن جۇلدىزدار قاتىسادى. كورەرمەندەردى لازەرلىك شوۋ جانە وبلىستىڭ جاس سپورتشىلارىنىڭ تارتىستى جارىستارى كۇتىپ تۇر. ATYRAU SPORT FEST-2017 19- تامىزدا مۇز ايدىنىندا وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى