ماسا شاققان ايەلدىڭ اياعى مەن قولىن كەسىپ تاستادى

كەلەڭسىز جاعداي سىپىرۋشى قىزمەتىن اتقاراتىن ايەل شەلەككە سالىنعان قوقىستى شىعارىپ كەلە جاتقاندا بولعان. وعان جىلىنشىگىن ماسا شاعىپ العان سياقتى كورىنگەن، دەپ حابارلايدى Die Welt.

ساناۋلى مينۋتتاردىڭ ىشىندە ونىڭ اياعى ءىسىپ شىعا كەلەدى. وسىدان كەيىن زارداپ شەگۋشىنىڭ ىستىعى كوتەرىلگەن. ەسى شىققان ايەل كۇيەۋىنە قوڭىراۋ شالىپ، ول دەرەۋ جاقىن جەردەگى كلينيكاعا جەتكىزەدى. دارىگەرلەر زارداپ شەككەن ايەلدى قاراپ، اۋىرسىنۋدى باساتىن ءدارى ەككەننەن كەيىن، ايەلدىڭ جاعدايى ءبىرشاما تۇزەلگەن. ءبىراق ۇيىنە كەلگەندە جاعدايى ناشارلاپ، اۋرۋحاناعا قايتا بارۋىنا تۋرا كەلەدى.

بىرنەشە ساعاتتىق ينتەنسيۆتى تەراپيا دا ايتارلىقتاي ناتيجە بەرە قويماعان. اۋىرعانى تەك كۇشەيە تۇسكەن. ايەل كوماعا ءتۇسىپ، ءبىر اپتا ەس-ءتۇسسىز جاتتى. وسى ۋاقىتتا اياقتارى مەن سول قولىنىڭ ساۋساقتارى جانسىزدانا باستاعان. دارىگەرلەر ەمدەلۋشىنىڭ ءومىرىن ساقتاپ قالۋ ءۇشىن وتا جاساپ، زاقىمدانعان اياق-قولدارىن دەرەۋ كەسىپ الىپ تاستاۋعا شەشىم قابىلدايدى. قازىرگى ۋاقىتتا زارداپ شەگۋشىنىڭ جاعدايى وڭالىپ كەلەدى.

فوتو: Sommer، A./ Global Look

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى