استانالىق كاسىپكەرلەر كيىم- كەشەكتەردى تەگىن تاراتۋدا

الەۋمەتتىك جوبانى «استانا قامقور» ج ش س ديرەكتورى تيمۋر ورازاقوۆ باستاپ وتىر. ول از قامتىلعان وتباسى بالالارى ءۇشىن تەگىن كيىم تاراتاتىن بۋتيك اشتى. قايىرىمدىلىق اكسياسى جونىندەگى يدەيانى الەۋمەتتىك جەلىلەر ارقىلى باسقالاردىڭ تاعدىرىنا بەي-جاي قارامايتىن قالا تۇرعىندارى قولداعان.

كەز كەلگەن ادام ارنايى دۇڭگىرشەككە كيىم، اياق كيىم، ويىنشىقتار، كىتاپتار اكەلە الادى. ۇيىمداستىرۋشىلار تاراپىنان قويىلاتىن ءبىر تالاپ - بارلىق كيىمدەر تازا جانە ۇتىكتەلگەن بولۋى كەرەك.

«جوبا جىل باسىندا جۇزەگە اسىرىلا باستادى، ءبىراق قازىر ءوز كيىمدەرىمەن، زاتتارىمەن بولىسكىسى كەلەتىندەر كوپ. كۇن سايىن كيىمگە مۇقتاج جاندار كەلەدى. قىستىڭ كۇنى ورتتەن زارداپ شەككەن ادامدار دا كەلدى»، - دەيدى «كوكتال» اۆتوبولشەكتەر بازارىنىڭ مەڭگەرۋشىسى ەرەكبولات قابىلدا.

جوبا ۇيىمداستىرۋشىلارى الەۋمەتتىك جوبانى كاسىپكەرلەر قولداپ، وسىنداي ورىنداردى ەلوردا دۇكەندەرى مەن بازارلارىندا اشادى دەپ سەنەدى. استانانىڭ بارلىق تۇرعىنى ساپاسى جوعالماعان زاتتارىن «قايىرىمدىلىق. دوبروتا» دۇڭگىرشەگىنە تەك دەمالىستان باسقا كەز كەلگەن كۇنى، كوكتال كوشەسى 18، مەكەنجايى بويىنشا ورنالاسقان «كوكتال» اۆتوبولشەكتەر امبەباپ بازارىنداعى ت ق و عيماراتىنىڭ ەكىنشى قاباتىنا اكەلىپ، بولىسە الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى