پاراليمپياداشى ءزۇلفيا عابيدۋللينانى توناپ كەتتى
2017 -جىلدىڭ 29 -ساۋىرىندە ءزۇلفيا عابيدۋللينا تاراز قالاسىنىڭ ءى ءى د- نە بەلگىسىز بىرەۋلەر پاتەرىنە كىرىپ، باعالى زاتتارى مەن اقشاسىن ۇرلاپ كەتكەندىگى تۋرالى ءوتىنىش بەرگەن.
ۇرلىقتان كەلگەن ماتەريالدىق شىعىن 1 ميلليون 350 مىڭ تەڭگەگە باعالانعان. بۇل فاكت سوتقا دەيىنگى تەرگەۋدىڭ ءبىرىڭعاي تىزىلىمىنە قوماقتى كولەمدە ۇرلىق جاساۋ بويىنشا تىركەۋگە الىنعان.
«ۇرلىقشىلار قىزىم ەكەۋمىز ۇيدە بولماعاندى پايدالانىپ، تەرەزە ارقىلى كىرگەن. ولار وليمپيادا مەدالىن ىزدەگەن بولۋى كەرەك، الايدا ونى تاپپاعان. ءۇيدىڭ استان-كەستەڭىن شىعارىپ، قولعا تۇسكەن باعالى زاتتاردىڭ بارلىعىن العان. يتىمىزگە وبال بولدى، ونى ەلەكتروشوكەرمەن ءۇنىن وشىرگەن سياقتى. ءيت ءبىراز ۋاقىتقا دەيىن ادامداردان قورقىپ ءجۇردى»، - دەيدى سپورتشى ءزۇلفيا عابيدۋللينا.
جامبىل وبلىسى ءى ءى د باسپا ءسوز قىزمەتىنىڭ مالىمىتتەرىنە قاراعاندا، جامبىلدىق پوليتسەيلەر اتالعان ۇرلىق جاساۋ ءىسى بويىنشا ا ەسىمدى كۇدىكتىنى قولعا ءتۇسىرىپ، سوتقا جىبەرگەن.
