قىتاي: پحەنيانعا قارسى سانكتسيانى قاتاڭ ورىندايمىز
مانيلادا ءوتىپ جاتقان قاۋىپسىزدىك فورۋمىندا قىتاي سىرتقى ىستەر ءمينيسترى ۆان ي وتكەن اپتادا ب ۇ ۇ قاۋىپسىزدىك كەڭەسى ماقۇلداعان، سولتۇستىك كورەياعا ەكسپورت كولەمىن ازايتۋ تۋرالى قارار بەيجىڭ پحەنياننىڭ زىمىران ۇشىرۋلارىن توقتاتقانىنا مۇددەلى ەكەندىگىن كورسەتەتىنىن مالىمدەدى.
«قىتاي سولتۇستىك كورەيامەن ءداستۇرلى ەكونوميكالىق بايلانىس ورناتقاندىقتان بۇل قاراردىڭ ورىندالۋىنان كەلەتىن زالالدى وتەۋ قىتايدىڭ موينىنا ارتىلايىن دەپ تۇر. ءبىراق حالىقارالىق يادرولىق قارۋدى تاراتپاۋ رەجيمىن، بەيبىتشىلىك پەن ايماقتاعى تۇراقتىلىقتى ساقتاۋ ءۇشىن قىتاي اتالعان قاراردىڭ بارلىق تالابىن قاتاڭ ءارى بۇلجىتپاي ورىندايدى» دەدى ۆان ي.
قىتاي بۇعان دەيىن ا ق ش بيلىگىنىڭ سولتۇستىك كورەيا بيلىگىنە قارسى سانكسيالاردى قاتاڭداتۋ ۇسىنىسىن قولداعان. دەگەنمەن بەيجىڭ قاتارداعى سولتۇستىك كورەيالىقتارمەن جاي ساۋدا-ساتتىققا نۇقسان كەلتىرىلمەۋىن تالاپ ەتكەن.
ب ۇ ۇ- نىڭ سوڭعى قارارى سولتۇستىك كورەيادان كومىر، تەمىر، قورعاسىن جانە تەڭىز ونىمدەرىن يمپورتتاۋعا تىيىم سالادى.
