بۋراباي كۋرورتىنىڭ بيىكتىكتەن تۇسىرىلگەن سۋرەتتەرى جاريالاندى - فوتو، ۆيدەو
بۇل جولى فوتواپارات وبەاكتيۆىنە پاپوروتنيكتەر الاڭى تۇسىرىلگەن.
سۋرەت ماتىنىندە: «الدا سوڭعى شەشۋشى قادام- «ىرگەسىن» باعىندىرۋ عانا قالدى» ، دەپ جازىلعان.
كەلەسى سۋرەتتە وبلىس اكىمى مالىك مىرزاليننىڭ كوكشەتاۋ تاۋىنا كوتەرىلىپ بارا جاتقانىن كورۋگە بولادى. مۇندا ايماق باسشىسى: «تاۋ شىڭىنان ابىلايحان الاڭى مەن وقجەتپەس تاۋى كىپ- كىشكەنتاي بولىپ كورىنەدى. سۇلۋ ءارى تاماشا!!!»، دەپ ءوزىنىڭ العان اسەرىمەن بولىسۋدە.
سونىمەن قاتار، سۇلۋلىعىمەن ادامدى باۋراپ الاتىن بۋراباي كۋرورتىنىڭ اسەم تابيعاتىنا قانىققان ايماق باسشىسى وڭىردە تۋريزمدى دامىتۋ ماسەلەسىن دە ەستەن شىعارمادى.
«ال، مىناۋ ۇلكەن جانە كىشى شاباقتى كولدەرى. ۇلكەن شاباقتى كولىندە كوپشىلىك دەمالاتىن قازىرگى زامانعا ساي تۋريستىك بازا سالۋ جوسپارلانعان».
باسپا ءسوز قىزمەتىنىڭ الەۋمەتتىك جەلىدەگى جازباسى كىشى شاباقتى كولىنىڭ جاعاسىنداعى دەمالۋشىلار وڭ پىكىرىن بىلدىرگەن بەينەجازبامەن تامامدالىپ وتىر.
