جاس جانكۇيەر قازاقستاندىق فۋتبولشىلارعا «قارا جورعا» ءبيىن بيلەپ بەردى

اكە-شەشەسىنىڭ ايتۋىنشا، ولاردىڭ قىزى فۋتبولدى وتە قاتتى جاقسى كورەدى ەكەن. سونىمەن بىرگە، قاشان دا قازاقستاندىق سپورتشىلار ءۇشىن جانكۇيەر بولىپ جۇرەتىن كورىنەدى.

ءتۋرنيردى ۇيىمداستىرۋشىلار جاس جانكۇيەردى قۋانتىپ، ويىن الدىندا الاڭعا شاقىرىپ الدى.

وندا جاس جاسكۇيەر «EXPO 2017 Football Cup» ءتۋرنيرىنىڭ جۇرگىزۋشىسىمەن «قارا جورعا» ءبيىن بيلەپ، كىشكەنتاي بولسا دا زور داۋىسپەن قازاقستاندىق فۋتبولشىلارعا قولداۋ ءبىلدىردى. جاس تا بولسا باتىل قىزدىڭ قولداۋى كوپشىلىكتىڭ قوشەمەتىنە يە بولدى.

بۇدان كەيىن ول ءوزىنىڭ سالعان سۋرەتىن كوماندا كاپيتانى اندرەي كارپوۆيچكە تارتۋ ەتتى. ال ويىنشىلار ءوز كەزەگىندە جاس جانكۇيەرگە اۆتوگرافتارىمەن دوپتى سىيعا تارتتى.

ەسكە سالا كەتسەك، ەلورداداعى «استانا ارەنا» ستاديونىندا كەشە «EXPO 2017 Football Cup» ءتۋرنيرى سوڭىنا جەتكەن بولاتىن.

سايىسقا جان-پەر پاپەن، حريستو ستويچكوۆ، ەرنان كرەسپو، دينو بادجو قاتارلى فۋتبولشىلار كەلدى.

ءتۋرنيردى رەسەي قۇراماسى جەڭىپ السا، قازاقستان قۇراماسى پورتۋگالياعا جول بەرىپ، ءتورتىنشى ورىندى مىسە تۇتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى