شىعىس قازاقستاندا «الىپ التاي» اتتى حالىقارالىق فەستيۆال وتەدى

سايىسقا قازاقستان، رەسەي، قىتاي مەن موڭعوليانىڭ سپورتشىلارى قاتىسادى، دەپ حابارلايدى «قازاقپارات» ح ا ا ءتىلشىسى.

اتالعان شارا شىعىس قازاقستان وبلىسىنىڭ اكىمدىگى، «التاي - ءبىزدىڭ ورتاق ءۇيىمىز» حالىقارالىق ۇيلەستىرۋ كەڭەسى حاتشىلىعى مەن ر ف التاي ايماعىنىڭ بالالار جانە جاستار قاۋىمداستىعىنىڭ قولداۋىمەن وتكىزىلىپ وتىر. فەستيۆالدىڭ باعدارلاماسى بويىنشا شارانىڭ اشىلۋ سالتاناتى 12- تامىزدا وسكەمەندە باستالىپ، 13- تامىزدا كاتونقاراعاي اۋدانىنىڭ كوكتەرەك اۋىلىنىڭ جانە 14-16- تامىز ارالىعىندا جاڭاۇلگى اۋىلىنىڭ ماڭىندا جارتاسقا ورمەلەۋ، پاراپلانەريزم، جاياۋ ءجۇرۋ، تاۋعا شىعۋ، سۋدا ءجۇزۋ، ۆەلوتۋريزم، رافتينگ، الپينيزم، جارتاسقا ورمەلەۋ، بالىق اۋلاۋ، مامانداندىرىلعان اۆتو-موتو راللي جانە ۇلتتىق سپورت تۇرلەرى بويىنشا سايىستار وتكىزىلەدى.

بالىق اۋلاۋ، سۋدا ءجۇزۋ سىندى تابيعي سپورت تۇرلەرىنەن سايىستار بۇقتىرمانىڭ جاعاسىندا وتەدى. بيىلعى جىلى فەستيۆالدى ۇيىمداستىرىپ وتىرعان قازاقستان تاراپى باعدارلاماعا قازاقشا كۇرەس، بۇقاشا تارتىس مەن قول كۇرەسىن ەنگىزگەن. «الىپ التاي. Great Altai. قازاقستان - 2017» فەستيۆالى - ءار ەلدىڭ سپورتشىلارىنىڭ قاتىسۋىمەن وتەتىن، تابيعات اياسىنداعى بىرنەشە سپورت ءتۇرىن بىرىكتىرگەن بۇقارالىق، تۋريستىك ءارى سپورتتىق شارا.

اتالعان فەستيۆالدى جىل سايىن ءتورت ەل: قازاقستان، رەسەي، موڭعوليا جانە قىتاي مەملەكەتتەرى كەزەك-كەزەك وتكىزۋدى ىزگى داستۇرگە اينالدىرعان. فەستيۆال ش ى ۇ- نىڭ شارالار جوسپارىنا ەنىپ، «التاي - ءبىزدىڭ ورتاق ءۇيىمىز» ۇرانىمەن وتكىزىلمەك.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى