دەپۋتاتتىڭ ءوز-وزىنە قول سالۋ وقيعاسى بويىنشا قىلمىستىق ءىس قوزعالدى
جامبىل وبلىسىنىڭ ءى ءى د باسپا ءسوز قىزمەتى وقيعانىڭ ءمان-جايىن تۇسىندىرگەن بولاتىن.
«2017-جىلدىڭ 5- تامىزىندا تۇرار رىسقۇلوۆ اۋدانىنىڭ ءى ءى ب- ءنىڭ كەزەكشى بولىمىنە 1961-جىلى دۇنيەگە كەلگەن ك. -نىڭ ءوز ۇيىندە اسىلىپ قالعانى تۋرالى حابار كەلىپ تۇسكەن. وقيعا ورنىنا بىردەن تۇرار رىسقۇلوۆ اۋدانىنىڭ ءى ءى ب قىزمەتكەرلەرى شىعىپ، تەكسەرۋ جۇرگىزىلىپ، قايتىس بولعان ازاماتتىڭ تۋعان-تۋىستارىنان جاۋاپ الىندى»، - دەيدى قۇزىرلى ۆەدومستۆونىڭ باسپا ءسوز قىزمەتىنەن.
وبلىستىق ءى ءى د اقپاراتىنا سايكەس، جاۋاپ الۋ بارىسىندا كوز جۇمعان ازاماتتىڭ كەلىنى قايتىس بولعاننان ءبىر كۇن بۇرىن قايىن اتاسىنىڭ ادەتتەگىدەي ءازىل ايتىپ، كوڭىلدى جۇرگەنىن ايتقان. ال كەلەسى كۇنى تاڭەرتەڭ ساعات 07:00 شاماسىندا ول اجەتحاناعا بارا جاتىپ، سارايدا اسىلىپ تۇرعان قايىناتاسىن كورگەن. بۇدان كەيىن كەلىنى بىردەن كۇيەۋى مەن ونىڭ باۋىرىن شاقىرعان. ولار جىپتەن شەشىپ الىپ، مۇردەنى ۇيگە كىرگىزگەن.
«مارقۇمنىڭ 1991 جانە 1993-جىلعى بالالارى دا (قايتىس بولعان ازاماتتىڭ ۇلدارى) وسىنى راستاپ وتىر.
قازىرگى تاڭدا سوت مەديتسينالىق ساراپتاما جۇمىستارى تاعايىندالدى. اتالعان فاكت نەگىزىندە ق ر ق ك 105-بابى 1-بولىگى بويىنشا (ءوزىن-ءوزى ولتىرۋگە دەيىن جەتكىزۋ) قىلمىستىق ءىس قوزعالىپ، سوتقا دەيىنگى تەرگەۋ امالدارى باستالدى»، - دەپ حابارلايدى ۆەدومستۆودان.
قايتىس بولعان قايرات تەرلىكبايەۆ تۇرار رىسقۇلوۆ اۋدانى لۋگوۆوە اۋىلىندا تۇرعان. جامبىل وبلىسىنىڭ ءماسليحات دەپۋتاتى بولعان. ۇيلەنگەن، ءۇش بالاسى بار.
