قىتايلىق ازامات قوس قىزىنا قازاقشا توي جاساپ، جەلىنى دۇرلىكتىردى - فوتو
2016-جىلدىڭ كۇزىندە بولعان توي تۋرالى قىتايداعى باسىلىمدار جارىسا جازىپ، ءارتۇرلى پىكىر بىلدىرگەن. ماقالاداعى دەرەكتەر مەن دايەكتەرگە سۇيەنسەك قىز ۇزاتۋ شاراسىنا قازاق، قىتاي، دۇڭگەن، ۇيعىر سەكىلدى ءتۇرلى ۇلتتاردان قوناقتار كەلىپ، توي قازاق جانە قىتاي تىلىندە وتكىزىلىپتى. ءتىپتى، مەرەكەنىڭ اشىلۋ سالتاناتى سەكسەننەن اسقان قازاق قارياسىنىڭ اق باتاسىمەن باستالعان.
تويدا قوناق بولعان قازاق پوليتسەيى جۇبايىمەن (قىزىل كۇرتەشەدەگى) توي يەلەرىنە قازاقشا شاپان مەن ءشالى جاۋىپ، سىي-سياپات جاساۋدا.
ال، قازاقشىل قىتاي ازاماتى بولسا ۇزاتىلىپ بارا جاتقان قىزدارىنا ساۋكەلە مەن كەستەلەنگەن ۇلتتىق كويلەك، ال كۇيەۋ بالالارىنا قازاقى تاقيا مەن شاپان كيگىزىپ تورگە وتىرعىزعان.
قىتايداعى كىشىبۋرا قىستاعىندا 800 گە تارتا وتباسى تۇرادى. ونىڭ 80 پايىزعا جۋىعى قازاق، 13 پايىزى ۇيعىر، 11 پايىزى قىتاي ەكەن. قىزىن قازاق سالتىمەن ۇزاتقان قىتاي ازاماتى سول اۋىلدىڭ تۋماسى. جاستايىنان قازاقپەن ەتەنە ارالاسىپ، سالت-داستۇرىنە قانىق وسكەن بولىپ شىقتى.
كەيىن بەلگىلى بولعانداي قىتاي ازاماتى جەرگىلىكتى باسىلىمنىڭ بىرىنە بەرگەن سۇقباتىندا ءوز ءىس ارەكەتىن «ۇلتتار ىنتىماعىنىڭ بەرەكەلى شاڭىراعى» دەپ اتالاتىن ۇكىمەت جانىنان جوسپارلانعان ارنايى شارانىڭ اياسىندا جاسادىم دەپ تۇسىندىرگەن.
