وڭتۇستىك قازاقستاندا كيەلى ورىنداردىڭ ءتىزىمى جاساقتالىپ جاتىر

ولاردىڭ ىشىنەن رەسپۋبليكالىق ماڭىزى بار جانە جەرگىلىكتى دەڭگەيدەگى ساكرالدى ورىنداردى ىرىكتەلىنىپ الىنۋدا، دەپ حابارلايدى «قازاقپارات ح ا ا ءتىلشىسى.

پرەزيدەنت ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» ماقالاسى نەگىزىندە وڭىردە تاريحشى عالىمدار مەن ولكەتانۋشىلار جانە مادەنيەت سالاسى ماماندارىنان تۇراتىن ارنايى جۇمىس توبى قۇرىلعان بولاتىن.

اتالعان كوميسسيا وڭىردەگى قاسيەتتى، كيەلى ورىنداردى انىقتاۋ ۇستىندە. ول جەرلەر ساۋلەتتىك-ارحەلوگيالىق ەسكەرتكىشتەر، زيارات (عيبادات) ەتۋ ورىندارى سانالاتىن ءدىني نىساندار، تاريحي تۇلعالار جانە ساياسي وقيعالارمەن بايلانىستى كيەلى ورىندار، تابيعي- لاندشافتتى نىساندار دەپ ءبولىنىپ، قارالۋدا.

ناتيجەسىندە انىقتالعان 38 قاسيەتتى، كيەلى ورىن رەسپۋبليكالىق ماڭىزى بار تىزىمگە ەنگىزىلمەكشى.

ال، جەرگىلىكتى دەڭگەيدەگى كيەلى ورىن رەتىندە 66 نىسان انىقتالىپ وتىر. ەندى وڭتۇستىكتەگى ساكرالدى ورىنداردىڭ ناقتى ءتىزىمى رەسپۋبليكالىق ارنايى كوميسسيا قورىتىندىسى نەگىزىندە بەكىتىلەتىن بولادى.

ايتا كەتەر جايت، كوميسسيا مۇشەلەرى كيەلى ورىنداردى انىقتاۋدا جەرگىلىكتى حالىقتىڭ دا پىكىرىن بىلگىسى كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى