وڭتۇستىك قازاقستاندا ۇلتتىق تاربيەگە ۇلەس قوساتىن انيماتسيالىق فيلمدەر جارىق كوردى - كەسكىن

وتىرار اۋدانى اكىمدىگىنىڭ باستاماسىمەن قولعا الىنعان باستاما ەلباسىمىز ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسى نەگىزىندە جۇزەگە اسىرىلۋدا، دەپ حابارلايدى «قازاقپارات ح ا ا ءتىلشىسى.

وتىرار اۋدانى اكىمدىگى جەرگىلىكتى «ساق» كينوستۋدياسىمەن بىرلەسىپ، ەكى انيماتسيالىق فيلمدى ءتۇسىرۋدى قولعا الدى. «كونە قۇمىرانىڭ سىرى» اتتى مۋلتفيلمدى جانە مۇحتار شاحانوۆتىڭ «وتىرار داستانىن» انيماتسيالىق نۇسقاسىن جاساپ شىعاردى. العاشقى فيلمدە ءاجىران مەن ارۋجان سياقتى كەيىپكەرلەر ارقىلى كونە وتىرارعا قاتىستى تاريح باياندالادى. ال، «وتىرار داستانى» دا كونە وتىراردىڭ كۇيەۋىنە قاتىستى وقيعانى بەينەلەگەن.

«بۇل فيلمدەر ەل ەرتەڭى - جاستارىمىزدىڭ تۋعان جەرى مەن ەل تاريحىن تانىپ بىلۋىنە زور ىقپال جاسايتىنى ءسوزسىز. سوندىقتان تاربيەلىك ءمانى بيىك وسىنداي تۋىندىلار «بالاپان» جانە تاعى باسقا تەلەارنالاردان كورسەتىلىپ جاتسا بولاشاق ۇرپاق تاربيەسىنە سەپتىگىن تيگىزەر ەدى»، - دەيدى وتىرار اۋدانىنىڭ اكىمى ەرلان ايتاحانوۆ.

قازىر تاپسىرىس بەرۋشى وتىرار اۋدانىنىڭ اكىمدىگى قوس بىردەي مۋلتفيلمدى كوپشىلىكتىڭ نازارىنا ۇسىنۋ ءۇشىن «قازاقستان» ۇلتتىق تەلەارناسى باسشىلىعىنا شىعىپ، «بالاپان» ارناسىنان» كورسەتۋ جونىندە ۇسىنىس جولداپتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى