قازاقستاندا مەديتسينالىق قىزمەتتەر قىمباتتادى
شىلدە ايىنىڭ قورىتىندىسى بويىنشا ق ر- داعى مەديتسينالىق قىزمەتتەر وتكەن جىلمەن سالىستىرعاندا ءبىرشاما ۇلعايعان: دارىگەردىڭ العاشقى قابىلداۋى - 9,9 پايىزعا، ءىش قۋىسىن ۋلترادىبىستىق زەرتتەۋ - 13 پايىزعا، جالپى قان اناليزى - 7,6 پايىزعا جانە جالپى نەسەپ اناليزى - 8,5 پايىزعا قىمباتتاعان.
ماسساج قىزمەتتەرى 6,5 پايىزعا، شيپاجاي قىزمەتتەرى - 6,8 پايىزعا كوتەرىلگەن. ستوماتولوگيا قىزمەتتەرىندە دە باعالاردىڭ ءوسۋى بايقالادى: ءتىس جۇلۋ قۇنى ءبىر جىلدا 10 پايىزعا وسكەن.
سونىمەن بىرگە، دەنساۋلىق ساقتاۋ جۇيەسىندەگى ەڭبەكاقى ءوسىمى ايتارلىقتاي جوعارى ەمەس. 2017 -جىلدىڭ Ⅱتوقسان قورىتىندىسىندا جالپى دەنساۋلىق ساقتاۋ جانە الەۋمەتتىك قىزمەتتەر سالاسىنداعى ورتاشا ايلىق جالاقى ءوسىمى 6,1 پايىز عانا بولعان، بۇل رەتتە ناقتى جالاقى يندەكسى سالا قىزمەتكەرلەرىنىڭ ساتىپ الۋ قابىلەتىنىڭ 1,3 پايىزعا ازايعانىن كورسەتتى.
وزگە ارىپتەستەرىمەن سالىستىرعاندا، اۋرۋحانا ۇيىمدارى قىزمەتكەرلەرىنىڭ ەڭبەكاقىسى كوبىرەك وسكەن ء(بىر جىلدا 7 پايىزعا)، دەگەنمەن بۇل سالا قىزمەتكەرلەرىنىڭ دە ساتىپ الۋ قابىلەتى ءبىر جىلدا 0,5 پايىزعا تومەندەگەن.
ودان بولەك، دەنساۋلىق ساقتاۋ جانە الەۋمەتتىك قىزمەتتەر سالاسىنىڭ قىزمەتكەرلەرى ق ر بويىنشا جالپى قىزمەتكەرلەردەن 24,3 پايىزعا تومەن جالاقى الادى.
دەگەنمەن، دەنساۋلىق ساقتاۋ ءمينيسترى ەلجان ءبىرتانوۆ بولاشاققا جاعىمدى بولجام جاساپ وتىر: مىندەتتى مەديتسينالىق ساقتاندىرۋ جۇيەسىندەگى دارىگەرلەردىڭ ورتاشا جالاقىسى ارتاتىن بولادى. ءمينيستردىڭ پىكىرىنشە، كلينيكالاردىڭ تابىسى كوبەيگەن سوڭ، جالاقى وسەدى. ۇزدىك كلينيكالار باسەكە نەگىزىندە ءوز تابىستارىن كوبەيتىپ، دارىگەرلەرىنىڭ جالاقىسىن كوتەرە الادى.
ەسكە سالا كەتسەك، ءمامس بويىنشا العاشقى جارنالار مەن اۋدارىمدار بيىلعى شىلدە ايىندا تۇسە باستادى.
2017 -جىلدىڭ Ⅱ توقسانىنىڭ قورىتىندىسى بويىنشا، ءبىر جىلدا دەنساۋلىق ساقتاۋ جانە الەۋمەتتىك قىزمەتتەر جۇيەسىندەگى قىزمەتكەرلەر سانى 8 پايىزعا وسكەن. بارىنەن بۇرىن اۋرۋحانا ۇيىمدارىنىڭ قىزمەتكەرلەر سانى ارتقان: ولاردىڭ تىزىمدىك سانى 8 پايىزعا، ناقتى سانى 7,9 پايىزعا كوبەيگەن. الەۋمەتتىك قىزمەت سالاسىندا تۇرعىلىقتى جەرمەن قامتاماسىز ەتپەيتىن قىزمەت كورسەتۋ سەگمەنتىندە قىزمەتكەرلەردىڭ كوبەيگەنى بايقالادى، ولاردىڭ تىزىمدىك سانى 9,3 پايىزعا، ناقتى سانى 11,5 پايىزعا ارتقان.
جالپى العاندا، وتكەن جىلى دەنساۋلىق ساقتاۋ سالاسىنداعى جۇمىسپەن قامتۋدىڭ ايتارلىقتاي وسكەنى بايقالادى. 2016 -جىلدىڭ قورىتىندىسى بويىنشا، دارىگەرلەر سانى 7 پايىزعا، 74,6 مىڭعا دەيىن ارتقان، ورتاشا مەديتسينالىق قىزمەتكەرلەر سانى - 4,2 پايىزعا (170,8 مىڭ ادام) وسكەن. 2015 -جىلى دارىگەرلەر سانىنىڭ ارتۋى 1,2 پايىزدى، ورتاشا مەديتسينالىق قىزمەتكەرلەر سانىنىڭ كوبەيۋى - 2,4 پايىزدى قۇراعان.
