فيندەر اۋادان تاماق جاساي باستادى

ەرەكشە قۇرىلعىنى ويلاپ تابۋشىلار بۇل جەر بەتىندەگى اشارشىلىقپەن كۇرەسۋگە كومەگىن تيگىزەدى دەپ ەسەپتەيدى. بۇل تۋرالى ازەرتادج جازادى.
«تاجىريبەلىك تۇرعىدان الىپ قاراعان كەزدە، اۋادان تۇراتىن وسى اقۋىز تاعامدارىن جاساۋعا بولادى. بولاشاقتا ءبىزدىڭ قۇرىلعى اشارشىلىقتان زارداپ شەگىپ وتىرعان الەم ەلدەرىندە ورنالاستىرىلۋى ابدەن مۇمكىن. ونىڭ ۇستىنە بۇل قۇرىلعىنى ۇيدە ورناتىپ- اق تا، قاجەتىنشە پايدالانۋعا بولادى»، - دەدى لاپپەەنرانتا تەحنولوگيا ۋنيۆەرسيتەتىنىڭ (فينليانديا) عالىمى يۋحا-پەككا پيتكانەن.
عالىمنىڭ سوزىنە قاراعاندا، تاماقتى ءوندىرۋدىڭ مۇنداي ءادىسى ءداستۇرلى اۋىل شارۋاشىلىعىمەن سالىستىرعاندا الدە قايدا جەڭىل جانە ول ءۇشىن توپىراق جانە باسقا دا داندەردى ءوسىرۋ جاعدايلارى قاجەت ەتىلمەيدى. «ءبىز اقۋىزداردى اۆتوماتتى رەجيمدە وندىرەمىز، وعان قانداي دا ءبىر تىڭايىتقىشتار نەمەسە پەستيتسيدتەر قولدانىلمايدى»، - دەدى يۋحا- پەككا پيتكانەن.

اۋدارما: گۇلسايا جاقان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى