قازاقستاندىقتار وبىر دەرتىن انىقتايتىن قوسىمشا ويلاپ تاپتى

 «ازىرگە بۇل پيلوتتىق جوبا. سوندىقتان ءالى دە تۇزەتۋدى قاجەت ەتەدى»، - دەيدى ماماندار.

ولار «ونكوسكرين» دەپ اتالاتىن باعدارلامانى قىركۇيەك ايىنا دەيىن تولىقتاي ىسكە اسىرۋدى جوسپارلاپ وتىر. كەيىن قوسىمشانى كەز كەلگەن ادام قالتا تەلەفونعا جۇكتەپ الادى. ارنايى ساۋالنامالارعا جاۋاپ بەرۋ ارقىلى قوسىمشا ءسۇت جانە قۋىقالدى بەزدى، جاتىر مويىنىن، اسقازان مەن ىشەكتەگى اۋرۋلاردى ەرتە باستا انىقتاۋعا مۇمكىندىك بەرەدى.

مۇنىمەن قاتار ناۋقاستار ونكولوگيالىق ديسپانسەر ماماندارىمەن ونلاين رەجيمدە سۇحباتتاسا الادى. «موبيلدىك قوسىمشا ازاماتتارعا تەك ۇسىنىس جاسايدى. ياعني، تەستتىڭ قورىتىندىسى بويىنشا اۋرۋدىڭ العىشارتتارى انىقتالسا، سكرينينگتەن وتۋگە نەمەسە دارىگەرگە قارالۋىنا بارۋعا كەڭەس بەرەدى. سونداي- اق مۇندا ەلىمىزدەگى ونكولوگيالىق ديسپانسەرلەردىڭ بارلىق ءتىزىمى بولادى» ، - دەيدى جوبا اۆتورى دميتري تيو. جالپى سولتۇستىك قازاقستان وبلىسى ەلىمىزدە قاتەرلى ىسىك اۋرۋى بويىنشا كوش باستاپ تۇر.

بيىلدىڭ وزىندە وڭىردە 900 گە جۋىق ادامنان وبىر دەرتى انىقتالعان. «دايىن بولعان باعدارلامانى ءبىز Playmarket پەن اppstore-دا جاريالايمىز. ول كەز كەلگەن گادجەتتە جۇمىس جاساي بەرەدى. قازىر جوبانى قاراپايىم، ياعني ازاماتتارعا تۇسىنىكتى بولۋ ءۇشىن بارىنشا جاعداي جاساپ جاتىرمىز. الداعى ۋاقىتتا ونى قازاق تىلىنە اۋدارۋدى دا جوسپارلاپ وتىرمىز»، دەيدى قوسىمشانى ازىرلەۋشى يگور لەۆين.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى