وزگە ۇلت وكىلدەرى باستاعان قازاق ءتىلىن وراي «ءتىل كەرۋەنى» جوباسى باياناۋىلدا اياقتالادى
تىلدىك جوبانىڭ تىڭداۋشىلارى 3 -اقپانعا دەيىن فلەش- ترەنينگ، ويىننىڭ پسيحولوگيالىق سيپاتتاعى جاڭا تەحنولوگيالارى قولدانىلعان بازالىق دەڭگەيدەگى قازاق ءتىلىنىڭ دارىستەرىن تىڭداپ، قازاق حالقىنىڭ سالت-داستۇرلەرى، مادەنيەتى، تاريحىمەن تانىستى.
تىلدىك جوبانىڭ جازعى كەزەڭى اقتوعاي جانە ەرتىس اۋداندارىندا جالعاستى. اعىمداعى جىلدىڭ 29 -مامىرىنان 2 -ماۋسىمىنا دەيىن پاۆلودار قالاسىنىڭ «ەنەرگەتيك» شيپاجايىندا قازاق ءتىلى ارقىلى قازاق حالقىنىڭ سالت-داستۇرلەرىن ۇيرەندى. جالپى وقىتۋ ساباقتارىن وسى جوبانىڭ اۆتورى جانە تاجىربيەلى قازاق ءتىلى وقىتۋشىسى شولپان كينجيكوۆا جۇرگىزدى. "اعىمداعى جىلدىڭ 4-6 -تامىزى ارالىعىندا باياناۋىل اۋدانىنىڭ تورايعىر اۋىلىندا «ءتىل كەرۋەنى» جازعى ماۋسىمىنىڭ سالتاناتتى جابىلۋىنا ارنالعان فەستيۆال وتەدى.
ەتنواۋىلدا 9 كيىز ءۇي قۇرىلىپ، داستارحان جايىلادى. شارا بارىسىندا كيىزبەن جۇمىس ىستەيتىن قولونەر شەبەرى، گ. ۆورونكوۆا جانە ەكىباستۇز قالاسىنىڭ سازبەن، اقسۋ قالاسىنىڭ تەرىمەن، كاچيرى اۋدانىنىڭ تىگىنمەن جۇمىس ىستەيتىن شەبەرلەر وزدەرىنىڭ شەبەرلىك ساباقتارىن وتكىزەتىن بولادى. سونىمەن قاتار، قازاق حالقىنىڭ ۇلتتىق ەت تاعامى - سىرنە جاساۋدىڭ تەحنولوگياسىن كورسەتەدى. قوناقتارعا جانە اۋدان تۇرعىندارىنا كونسەرتتىك باعدارلاما ۇسىنىلادى"، - دەيدى ماماندار.
