قازاقستاننىڭ ەڭ قىمبات قالاسى انىقتالدى

ءار وڭىردەگى باعا مەن ينفلياتسيانى Ranking.kz سارالاپ شىعىپتى. سونىمەن، ەڭ جوعارى ينفلياتسيا - پاۆلودار وبلىسىندا بايقالادى. جالپى، قازاقستاندا جىل باسىنان بەرى كۇندەلىكتى قاجەتتى تاۋارلاردىڭ باعاسى 4 پايىزعا جۋىق وسكەن.

جەتى ايدا ازىق-تۇلىك - 5 پايىزعا، ءتۇرلى تاۋارلار - 3 جارىم، اقىلى قىزمەت كورسەتۋ - 3,3 پايىزعا كوتەرىلگەن. تۇرمىستىق زاتتارعا قاتىستى قىمباتشىلىق بويىنشا ءتىزىم باسىندا اتىراۋ وبلىسى، كەيىن قىزىلوردا، ماڭعىستاۋ مەن وڭتۇستىك قازاقستان جانە شىعىس قازاقستان وبلىستارى تۇر.

ال استانادا ازىق-تۇلىك بىردەن 6 جارىم پايىزعا قىمباتتاعان. پاۆلودار، قاراعاندى، اتىراۋ، سولتۇستىك قازاقستاندا دا ەت، ءسۇت، كوكونىس باعاسى شارىقتاپ تۇر. سولتۇستىك قازاقستان، پاۆلودار، جامبىل، اتىراۋ، قوستاناي وبلىستارىندا قىزمەت كورسەتۋ قۇنى ايتارلىقتاي وسكەنى بايقالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى