تەمىرتاۋدا اتىشۋلى شەنەۋنىك ەرلان وتەشوۆ قايتا سوتتالىپ جاتىر

بۇل تۋرالى 31- ارنا حابارلايدى.

شەنەۋنىك 2013-جىلى ماس كۇيدە كولىك ايداپ ادام ولىمىنە سەبەپشى بولعان ەدى. ءبىراق ءبىر جارىم جىل بۇرىن قىزمەتكە قايتا ورالىپ، «وقجەتپەس ت» دەپ اتالاتىن مەملەكەتتىك كاسىپورىننىڭ ديرەكتورى كرەسلوسىنا قونجيعان. ەندى وعان بيۋدجەت قارجىسىن وڭدى-سولدى شاشتى دەگەن ايىپ تاعىلىپتى.

«وقجەتپەس ت» دەپ اتالاتىن مەملەكەتتىك كاسىپورىننىڭ ديرەكتورىن 27,5 ميلليون تەڭگەنى جىمقىردى دەگەن ايىپپەن مامىر ايىندا ۇستاعان. تەرگەۋ دەرەگى بويىنشا، ول ەسكى ترۋبالاردى ساتىپ الۋ ارقىلى قاراجاتتى قولدى ەتكەن. ال قۇجاتتا ترۋبالاردى جاڭا دەپ جازدىرىپتى. بۇلاي قيتۇرقىلىق جاساۋعا وعان «قاز تەمىر ستيل» كومپانياسىنىڭ مەنەدجەرى اندرەي سكليارەنكو كومەكتەسكەن.

ەرلان وتەشوۆ سوتقا 11 ءوتىنىش تۇسىرگەن. ونىڭ ىشىندە ونى ۇستاۋ كەزى مەن تەرگەۋ يزولياتورىنا اكەلەر كەزدەگى زاڭ بۇزۋشىلىقتار بار. ول بۇرىن سوتتالعان ءوزىنىڭ سىبايلاسى اندرەي سكليارەنكونىڭ كەپىلدىكپەن بوستاندىقتا جۇرگەنىنە، ال ءوزىنىڭ ونداي مۇمكىندىككە قول جەتكىزە الماعانىنا نارازى. وتەشوۆ ءوزىن وتباسىنداعى جالعىز اسىراۋشى جانە ءۇش بالاسى بار ەكەنىن العا تارتقان.

ءبىراق، ءبارىبىر بۇل ايىپتاۋدان وتەشوۆتىڭ دە، ونىڭ سىبايلاسىنىڭ دا امان شىعۋى ەكىتالاي. ولارعا كەم دەگەندە 10 جىلعا سوتتالۋ قاۋپى ءتونىپ تۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى