استاناداعى ارباتتا جاس جۇبايلار العاشقى توي فوتوسەسسياسىن وتكىزدى
بۇل تۋرالى «قازاقپارات» تىلشىسىنە استانا قالاسى سارىارقا اۋدانىنىڭ اكىمدىگى حابارلادى.
«شاڭىراق كوتەرگەن جاس جۇبايلار ۇلتتىق ناقىشتا فوتوسۋرەتكە تۇسۋگە تىلەك بىلدىرگەندىكتەن فوتوسەسسيا حان ورداسىنىڭ اياسىندا ۇيىمداستىرىلدى. ارباتتىڭ جاستاردىڭ كوپتەپ كەلەر ورنىنا اينالىپ كەلە جاتقانى قۋانتادى. جاستارعا ۇزاق تا باقىتى عۇمىر تىلەيمىز»، - دەپ حابارلايدى اكىمدىكتەن.
اربات بۇگىنگى كۇنى ەڭ ۇزدىك قولدانبالى ونەر شەبەرلەرىنىڭ، دارىندى سۋرەتشىلەر مەن مۋزىكانتتاردىڭ باسىن قوسىپ، قالا تۇرعىندارى مەن مەيمانداردىڭ ۇنامدى ورنىنا اينالدى.
ناقتى وسى جەردە كۇندەلىكتى تەگىن جۇمىس اتقاراتىن تۇڭعىش استانالىق كينوتەاتر مەن حالىقتىق كاراوكە اشىلعان. ارباتتىڭ ساحناسىندا تۇراقتى تۇردە كونسەرتتەر مەن شىعارماشىلىق قويىلىمدار كورسەتىلەدى.
ونىڭ جانىندا يوگا-باعى مەن ۋشۋ الاڭ ورناتىلعان. ول جەردە بىلىكتى نۇسقاۋشىلار كۇن سايىن تەگىن ساۋىقتىرۋ جاتتىعۋىن وتكىزەدى.
