قاراعاندىدا اجىراسقان وتباسىلارعا قۇقىقتىق كومەك كورسەتىلەدى
ورتالىق قىزمەتكەرلەرى اجىراسىپ كەتكەن وتباسىلارعا ءوزارا كەلىسىمگە كەلۋگە جانە بارلىعى ءۇشىن ءتيىمدى شەشىم تابۋعا كومەكتەسەتىن بولادى.
مەدياتسيا دەگەنىمىز - بۇرىنعى ەرلى-زايىپتىلار اراسىنداعى داۋلاردى ءتيىمدى شەشۋ ءادىسىنىڭ ءبىر ءتۇرى. اليمەنت ورتالىعى بورىشكەرلەردەن اليمەنتتەردى وتەپ الۋ بويىنشا قۇقىقتىق كومەكتەردى كورسەتەتىن بولادى.
ورتالىقتا ءىستىڭ قالاي اتقارىلىپ جاتقاندىعىن باقىلايتىن پروكۋراتۋرا وكىلدەرى، مەملەكەتتىك، جەكە مەنشىك سوت ورىنداۋشىلارى مەن مەدياتورلار جۇمىس ىستەيتىن بولادى.
ورتالىقتا ازاماتتاردى قابىلداۋ ءار بەيسەنبى سايىن ساعات 10:00 مەن 12:00 ارالىعىندا، شاحتينسك قالاسى، اباي قۇنانبايەۆ داڭعىلى 65 ب مەكەنجايى بويىنشا (ح ق ك و عيماراتى، 2 قابات) 201№ كابينەتتە جۇرگىزىلەدى.
ايتا كەتەيىك، قاراعاندىنىڭ وكتيابر اۋدانىندا وكتيابر اۋدانىنىڭ ايماقتىق سوت ورىنداۋشىلارى ءبولىمىنىڭ عيماراتىندا ءدال وسىنداي «بولاشاق» اليمەنت ورتالىعى جۇمىس جاسايدى.
ورتالىق جۇمىسىنا مەملەكەتتىك جانە جەكە مەنشىك سوت ورىنداۋشىلارى، ىشكى ىستەر، حالىقتى جۇمىسپەن قامتۋ مەكەمەلەرىنىڭ قىزمەتكەرلەرى مەن مەدياتورلار تارتىلعان. وندادا ازاماتتاردى قابىلداۋ ءار بەيسەنبى سايىن جۇرگىزىلەدى.
