چەحيادا سۋدا جۇرەتىن اۆتوبۋس جاسالدى

كولىكتىڭ يەسى بۇل جاڭالىق تۋريستىك كومپانيالارعا كوپ مۇمكىندىك اشادى دەيدى. امفيبيا اۆتوبۋسقا 12 جولاۋشى سىيادى.

«مۇنداي اۆتوبۋستى جۇرگىزۋ موتورلى قايىقتى باسقارۋدان قيىن ەمەس. ونىڭ ءبىر عانا ەرەكشەلىگى كولىكتەگىدەي جىلدامدىقتى رەتتەپ، قالاقتاردىڭ قوزعالىسىن باعىتتاۋ ءۇشىن رۋلدى اينالدىرىپ وتىرۋ كەرەك»، - دەيدى ونەرتاپقىش روبەرت شۋبيك.

ساياحاتشىلارعا قولايلى بولۋ ءۇشىن توبەسىن دە اشۋعا بولادى. ال بۇل ىسپەن 2008-جىلدان بەرى اينالىسا باستاعان شۋبيك شاعىن اۆتوبۋسقا قايىقتىڭ موتورىن ورناتۋدى تەك وتكەن جىلى باستاعانىن ايتادى.

ونەرتاپقىش كولىكتى سۋدا جۇرگىزۋگە 8 مىڭ ساعات ۋاقىتىن ارناپتى. ەندى دوڭگەلەكتەرى بار ءۇي جاساپ شىعارۋدى جوسپارلاپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى