قانات يسلام وسى جولعى جەكپە-جەكتەن سوڭ ن ۆ و مەن بايلانىس ورناتقىسى كەلەتىنىن ايتتى - فوتو

بوكس كەشىنىڭ باستى جەكپە-جەگى قانات پەن كانادالىق برەندون كۋك اراسىندا وتپەك.

بۇل تۋرالى BNews.kz حابارلايدى.

بۇگىن سپورتشى ءوز كومانداسىمەن بىرگە الماتىعا ۇشىپ كەلدى. بوكسشى مەن ونىڭ پروموۋتەرى نەلسون لوپەستى جانكۇيەرلەر استانا اۋەجايىنان ەرەكشە ىقىلاسپەن قارسى الدى.

«استاناعا كەلگەنىمىزگە قۋانىشتىمىن. بۇعان دەيىن الماتىدا قازاقستان قۇراماسىمەن بىرگە دايىندالدىق. بارلىق ەڭبەكتىڭ ناتيجەسىن رينگتە كورسەتەمىن دەپ ويلايمىن»، - دەدى بوكسشى.

ول سونداي-اق، جەكپە-جەكتىڭ استانادا وتەتىنىنە دە قۋانىشتى ەكەنىن ايتتى.

«ءبارى جوسپار بويىنشا، جوعارعى دەڭگەيدە ءوتتى. قارسىلاسىم دا مىقتى، مەن سەكىلدى ەشقاشان جەڭىلىپ كورمەگەن. ونى ءالسىز دەپ ساناۋعا كەلمەيدى، بار كۇشتى سالۋ كەرەك»، - دەدى يسلام.

بوكسشى ەرتەڭنەن باستاپ سپپارينگ كەزدەسۋلەر وتكىزەدى. بۇل رەتتە قاناتقا مەكسيكالىق يۋريسكە گونسالەس پەن ەكۆادورلىق ماريو مينوس كومەكتەسپەك. ول وسى جەكپە-جەكتە ءوزىن جاقسى كورسەتۋ ارقىلى ن ۆ و ارناسىنىڭ كوزىنە تۇسكىسى كەلەتىنىن جاسىرمادى.

20 -تامىز كۇنى بوكسشى اشىق جاتتىعۋ وتكىزەدى. وعان بارلىق جانكۇيەرلەر مەن ب ا ق وكىلدەرى قاتىسا الادى. ال 28 -تامىز كۇنى قازاقستاندىق كوماندا ارنايى باسپا ءسوز ءماسليحاتىن وتكىزبەك. قوس بوكسشىنىڭ ورتاق باسپا ءسوز ءماسليحاتى 1 -قىركۇيەككە جوسپارلانىپ وتىر. سودان كەيىن اراعا ءبىر اپتا سالىپ 8 -تامىزدا قوس سپورتشى سالماق ولشەۋ راسىمىنە قاتىسادى. ال جەكپە-جەكتىڭ ءوزى 9 -قىركۇيەك كۇنى «سارىارقا» ۆەلوترەگىندە وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى