قازاق ميلليونەرىنىڭ قىزىنا جازعان تىلەگى كوپشىلىكتىڭ جۇرەگىن ەلجىرەتتى - فوتو
قايىرىمدىلىق جاساپ تانىلعان بيزنەسمەن ءوزىنىڭ قىزىنا دەگەن اكەلىك ماحابباتقا تولى سەزىمىن جەلىدەگى پاراقشاسىندا جازدى.
«ول 20 جاسقا كەلگەندە جاس ءارى سۇلۋ بولادى، ارماندارى بيىك جانە ۇمىتكە تولى. وعان بار الەم تابانىنىڭ استىندا تۇرعانداي كورىنەدى. مۇمكىن ونىڭ جاس جىگىتى بولاتىن بولار. مەن ودان قىزىمدى قىزعانباۋعا تىرىسامىن (قۇداي-اۋ، بۇل قالاي قيىن!). مەن ونىڭ دوسى بولامىن. ول ماعان سەنىم ارتادى دەپ سەنەمىن جانە ءبىز كەز-كەلگەن تاقىرىپتا سويلەسەتىن بولامىز... (ارينە ونىمەن بىرگە تالقىلاعىم كەلمەيتىن تاقىرىپتار بار).
مەن اكەمىن جانە سول سەبەپتى قىزىممەن بىرگە ونىڭ بارلىق جەڭىستەرى مەن جەتىستىكتەرىن، تابىستارى مەن ناتيجەلەرىن بولىسكىم كەلەدى. بۇدان بولەك ونىڭ جەڭىلىستەرى مەن مۇڭايعان ساتتەرىن كوبىرەك ءبولىسۋدى قالايمىن...»، - دەپ جازادى ول.
قايرات قىزىنىڭ ءوزى ءۇشىن قىمبات ەكەنىن جانە ءاردايىم بالا بولىپ قالا بەرەتىنىن ايتادى.
«10 جىل وتەدى جانە مەن ءوز قويمامنان ونىڭ ماعان ارناپ سالعان سۋرەتىن شىعارامىن. مۇمكىن ول مۇنى ەسىندە ساقتار، مۇمكىن ول ءۇشىن بۇل اسا قىمبات بولا قويماس. ءبىراق، ول ءاردايىم ماعان دا ءۆينچيدىڭ «مونا ليزاسىنان» ارتىق، سەبەبى وندا قانشاما شىنايى ماحاببات پەن تىرىسۋ بار. مۇنىڭ ءبارى مەن ءۇشىن جانە وعان باعا جەتپەيدى.
تاعى 10، 20، 50 جىل وتەدى، ومىردە باسقاشا بولادى... سول سەبەپتى مەنىڭ حانشايىمىم مەن سەنىڭ بارىنشا كىشكەنتاي بولىپ قالعانىڭدى قالايمىن... ارينە مەن ءۇشىن ول ءاردايىم سولاي بولىپ قالا بەرەدى.
حانشايىم، اكەڭنىڭ جۇرەگى سوعىپ تۇرعاندا سەنىمەن بىرگە ەكەنىن ۇمىتپا»، - دەگەن بيزنەسمەن.
جازبانى وقىعان جەلى قولدانۋشىلارى قايراتتىڭ قىزىنا دەگەن كىرشىكسىز ماحابباتىن وقىپ كوزدەرىنە جاس العاندارىن جەتكىزگەن.
ەسكە سالساق، قايرات قۇدايبەرگەن اقتوبەدەگى تاسقىننان زارداپ شەككەن كىشكەنتاي قىزدىڭ وتباسىنا ءۇش بولمەلى پاتەر سىيلاعان بيزنەسمەن.
