استانادا قازاق كۇرەسى مەن ات بايگەسىنەن جارىس وتەدى

«ەكسپو-2017» حالىقارالىق كورمە اياسىنداعى اتالمىش جارىستى ق ر مادەنيەت جانە سپورت مينيسترلىگىنىڭ سپورت جانە دەنەشىنىقتىرۋ ىستەرى كوميتەتى، قوستاناي وبلىسىنىڭ اكىمدىگى جانە ق ر ۇلتتىق سپورت تۇرلەرى قاۋىمداستىعى ۇيىمداستىرىپ وتىر.

6- تامىز رەسپۋبليكالىق جارىستىڭ باستالۋ كۇنى. ءتۇس كەزىندە «ەتنواۋىلداعى» بوز كىلەمدە بالۋاندار بەلدەسۋى باستالادى. بۇل قازاق كۇرەسىنە 18 جاستان اسقان، سالماعى 73 كەلىدەن جوعارى بالۋانداردىڭ بارلىعى قاتىسا الادى.

ال، بايگە تۇرلەرىنە ازداعان شەكتەۋلەر بار. الامان جانە توپ بايگەگە ۇيىمداستىرۋشى وڭىردەن وزگە استانا، الماتى قالالارى مەن بارلىق وبلىستار تەك 2 جۇيرىكتەن عانا قاتىستىرا الادى. الامان بايگە 21 شاقىرىم قاشىقتىقتى قۇراسا، توپ بايگە 15 شاقىرىم.

بايگەلەردىڭ باس جۇلدەسى - ەكى جەڭىل اۆتوكولىك. ەكىنشى ورىنعا - 2 ميلليون تەڭگە. بەسىنشى ورىن العان جۇيرىككە دەيىن جۇلدە بەرىلەدى.

ال ءتول سپورتىمىز قازاق كۇرەسىنىڭ جەڭىمپازى - 700000 تەڭگە قارجىلاي سىيلىق الىپ، ارنايى ديپلوممەن، مەدالمەن ماراپاتتالادى. ءۇشىنشى ورىنعا دەيىن جۇلدە بار.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى