ەكى اياعىنان ايىرىلعان الماتىلىق جاتتىعۋ كەزىندەگى سۋرەتىن جاريالادى
32 جاستاعى ەكاتەرينا پارافيەۆا بىرنەشە كۇن بۇرىن اۋرۋحانادان شىققان بولاتىن. ول ءوزىنىڭ ينستاگرامداعى پاراقشاسىندا ءالى دە وڭالتۋ شارالارىن باسىنان وتكەرىپ جاتقانىن بايانداپ، جازبا قالدىردى.
«مەن ءوزىمنىڭ جاتتىقتىرۋشىم ۆوۆاسىز كۇنىم وتپەيدى. ماعان ۇلكەن سەنىم ارتقانى ءۇشىن ءارى ءبىر ءسات تىنىم بەرمەگەنى ءۇشىن وعان العىسىم شەكسىز. مەنىڭ اينالامداعى ادامداردىڭ كەرەمەت كۇشى، قولداۋىنىڭ ارقاسىندا العا قاراي جىلجىپ كەلەمىن»، - دەدى ەكاتەرينا.
كولىك اپاتىندا ەكى اياعىنان ايىرىلعان الماتىلىق ەكاتەرينا پارافيەۆا بەلگىلى ەرىكتى، جاتتىقتىرۋشى كيرا ۋدارتسيەۆانىڭ كومەگىمەن وڭالتۋ شارالارىنان ءوتىپ جاتقاندىعىن جازعان بولاتىنبىز.
ەسكە سالا كەتەيىك، جول اپاتى 16- ماۋسىمدا الماتى قالاسىنداعى ءال-فارابي داڭعىلىندا بولعان. Honda CRV تىزگىندەگەن قىزدار اشىق ليۋككە كىرىپ كەتىپ، كولىك دوڭگەلەگىن جارىپ العان. سودان جول شەتىنە توقتاپ، سىرتقا شىعىپ كولىكتەرىن قاراپ جاتقان كەزدە ورتاڭعى جولاقتا كەلە جاتقان Toyota Camry كولىگىن اۆتوبۋس سوققان.
سوققىدان Toyota Camry كولىگىنىڭ ارتقى بولىگى ۇشىپ كەلىپ Honda CRV كولىگىن سوعادى. سالدارىنان قىزدار ورتادا قىسىلىپ قالىپ، بىرەۋى ەكى اياعىنان ايىرىلعان بولاتىن. ال ەكىنشى قىز 7№ قالالىق اۋرۋحانانانىڭ نيەۆرولوگيا بولىمىنە جاتقىزىلدى.
