جوعالىپ كەتكەن استانالىق قىزدىڭ اناسىنا قورقىنىشتى حات كەلگەن

تاگينانىڭ اناسى - ماتليۋبا حانجانوۆا WhatsApp جەلىسىنە ءوزىن قازاقستاندىقپىن دەپ تانىستىرعان جانە باحرەيندە ەكەنىن ايتقان بەيتانىس قىزدان حات كەلگەنىن ايتتى.

«مەن مۇندا ءبىر اي بۇرىن كەلدىم. كەلگەن بويدا مەنىڭ قۇجاتتارىمدى تارتىپ الىپ، قوناق ۇيدە جۇمىس ىستەۋگە ماجبۇرلەدى. اقشامدى دا الىپ قويدى. (...) ءۇش اپتادان بەرى مەن سىرتقا شىعا الماي ءجۇرمىن. مەنى ءار قوناق ۇيدەن كەلەسىگە كوشىرىپ جاتىر. مەن ول جەرلەردىڭ اتىن بىلەمىن. ءسىزدىڭ قىزىڭىز سول قوناق ۇيلەردىڭ بىرىندە»، - دەپ جازعان بويجەتكەن اۋديو-جازباسىندا.

سونداي-اق، ول باحرەينگە اقشا تابۋ ءۇشىن كەلىپ، قۇلدىققا تۇسكەنىن دە ايتقان.

«مۇندا قىزداردى جەزوكشەلىكپەن اينالىسۋعا ماجبۇرلەيدى. الدايدى: الدىمەن ماسساج جاسايتىن نەمەسە اكىمگەرلىك جۇمىسپەن اينالىساسىڭ دەپ ايتادى. ءبىراق ولاي ەمەس»، - دەپ مالىمدەگەن بەيتانىس قىز.

ماتليۋباعا حات جولداعان بويجەتكەن ونىڭ قىزى تاگينانىڭ دا سونداي جاعدايعا تاپ بولۋى مۇمكىن دەيدى.

حايتمەتوۆانى ىزدەۋگە قازاقستاندىق ەلشىلەر كىرىسىپ كەتكەن.

ەستەرىڭىزگە سالا كەتسەك، 24 جاستاعى قازاقستاندىق قىز باحرەينگە جۇمىس ىستەۋگە كەتىپ، ءىز-ءتۇسسىز جوعالىپ كەتكەن بولاتىن. اتا-اناسىنىڭ سوزىنە قاراعاندا، جۇما، 28- شىلدەدە، بويجەتكەن قىز جۇمىس تاۋىپ، اراب مەملەكەتىنە تۇراقتاعانىن حابارلاعان. ءبىراق سودان بەرى بايلانىسقا شىقپاعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى