اقتوبەلىك كاسىپكەرلەر بالالارىنا ەكپە جاساتۋدان باس تارتۋدا

اقتوبەدە ەكپەدەن باس تارتۋشىلار سانى ازايماي تۇر. قازىرگى كەزدە 2572 بالا ەكپە الماعان. ولاردىڭ كوبى بالاباقشا جاسىنداعى بالا. دارىگەرلەر ءتۇسىندىرۋ جۇمىستارىن جۇرگىزىپ، جىل باسىنان بەرى 182 بالانىڭ اتا-اناسىن رايىنان قايتارعان. دەگەنمەن اقتوبە وبلىسى اكىمىنىڭ ورىنباسارى ەربول نۇرعاليەۆ اقپاراتتىق-ءتۇسىندىرۋ توبىنىڭ جۇمىسىن سىنعا الىپ، جۇمىستىڭ دۇرىس اتقارىلماعانىن ايتتى.

ايتا كەتەيىك، بالاسىنا ۆاكتسينا جاساتپاي جۇرگەن اتا-انالاردىڭ 77 پايىزدان استامى جۇمىسسىز، 37 پايىزى كاسىپكەر جانە 17 پايىزدان استامى مۇنايشى ەكەن. قازىرگى كۇنى ەكپە الماعان بالالار بالاباقشاعا، مەكتەپكە بارىپ ءجۇر. اتا-انالار ءوز ارەكەتتەرىن ءدىني كوزقاراسپەن، جەكە پىكىرىمەن جانە ۆاكسينانىڭ پايدالى ەكەنىنە كۇمان كەلتىرەتىنىمەن تۇسىندىرەدى.

«وسى باعىتتاعى جۇمىستاردى جانداندىرىپ، حالىققا ەكپەنىڭ ەڭ الدىمەن، ولاردىڭ دەنساۋلىعى ءۇشىن سالىناتىندىعىن ءتۇسىندىرۋ قاجەت. ءبىز كورسەتكىشتەردى، ديناميكانى قاداعالاپ وتىراتىن بولامىز جانە وسى جۇمىستاردىڭ ناتيجەسى بويىنشا مەديتسينا مەكەمەلەرىنىڭ باسشىلارىنا باعا بەرەمىز»، - دەدى ەربول نۇرعاليەۆ.

اۆتور: التىناي ساعىندىقوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى