ماڭعىستاۋدا تەڭىز سۋىن تۇشىتاتىن زاۋىت سالىنادى
سول سەبەپتى، وڭىرگە رەسمي ساپارمەن «BeltWay Group Limited» كومپانياسىنىڭ ديرەكتورى ءالي موحاماد پەن «استانا قىزمەت- ك ز» ج ش س ديرەكتورى بولات ىدىرىسبايەۆ، «SafBon Water Service (Holding) Inc.» مەكەمەسىنىڭ باس مەنەدجەرى ۆانگ كسيان كەلدى. ولار ماڭعىستاۋ وبلىسىندا سۋ سۇشىتۋ زاۋىتىن سالۋدى كوزدەيدى. سوندىقتان، ارنايى جوبا دايىنداپ ونى وبلىس اكىمى ەرالى توعجانوۆقا جانە جيىنعا قاتىسۋشىلارعا تانىستىردى.
ايتا كەتەيىك، «BeltWay Group Limited» كومپانياسى 1995 -جىلى شاڭحايدا قۇرىلعان. بۇگىندە مەكەمە الەمدىك دەڭگەيدە، ءتۇرلى سالا بويىنشا قىزمەت كورسەتىپ كەلەدى.
«BeltWay Group Limited» كومپانياسىنىڭ ديرەكتورى ءالي موحاماد جوبانى ىسكە اسىرىپ، ەڭ وزىق تەحنولوگيانى پايدالانۋعا دايىن ەكەنىن جەتكىزدى. جوسپار بويىنشا زاۋىت قۇرىق اۋىلىنان 22 شاقىرىم جەردە ورنالاسادى.
قورەك كوزى رەتىندە گاز- تۋربينالىق ەلەكتر ستانسياسى پايدالانىلادى. قۋاتتىلىعى كۇنىنە 80 مىڭ كۋب مەتر جانە بولاشاقتا ونىڭ قۋاتتىلىعى ارتا تۇسپەك. تۇشىتىلعان سۋمەن «وزەنمۇنايگاز» اق، جەتىباي، قۇرىق اۋىلدارى مەن اقتاۋ، جاڭاوزەن قالالارىن قامتاماسىز ەتىلمەك. سونىمەن قاتار، بۇل جوبا وڭىردە اۋىلشارۋاشىلىعى سالاسىن دامىتۋعا تىڭ سەرپىن بەرمەك.
جيىن سوڭىندا وبلىستىق اكىمدىك پەن كومپانيا اراسىندا ۇزاقمەرزىمدى جانە ءوزارا ءتيىمدى ىنتىماقتاستىق تۋرالى مەموراندۋمعا قول قويىلدى. ءوڭىر باسشىسى ەرالى توعجانوۆ جوبانى دايىنداۋ جانە جۇزەگە اسىرۋ ماسەلەلەرىمەن اينالىساتىن جۇمىس توبىن قۇرۋدى تاپسىردى.
