اقمولا وبلىسىندا ءتىرى تۋعان بالانى ءولدى دەپ اناسىنان ايىرعان

اقمولا وبلىستىق پروكۋراتۋراسى اتا-اناسىنىڭ قامقورلىعىنسىز قالعان جەتىم بالالاردىڭ قۇقىعىن قورعاۋ زاڭدىلىعىنا تالداۋ جۇرگىزگەن. تالداۋ ناتيجەسى كورسەتكەندەي بالالاردىڭ اتا-انالارىن ىزدەۋ بويىنشا ىشكى ىستەر جانە قامقورلىققا الۋ ورگاندارى اراسىندا ءوز ءىس-قيمىل جۇرگىزىلمەگەنىن كورسەتتى.

قۇزىرەتتى ورگاندار وزدەرىنە جۇكتەلگەن مىندەتتەردى ورىنداماعاندىقتان كامەلەتتىك جاسقا تولماعان جاس ءوسپىرىم 14 جىل بويى اتا-اناسىنىڭ قامقورلىعىنان ايىرىلعان. وسى ارالىقتا ول بالالار ۇيىندە تاربيەلەنگەن. بالا 950 گرام سالماقپەن تۋعان. دۇنيەگە كەلگەن كەزدە جاعدايى وتە كۇردەلى، جانساقتاۋ بولىمىندە جاتقان.

بالانىڭ اناسىنىڭ ايتۋىنشا، پەريناتالدىق ورتالىقتا وعان نارەستەسىنىڭ سالماعى از، ءولى تۋعانىن ايتقان. سوندىقتان ونى بالانىڭ ودان ارى قارايعى جاعدايى قىزىقتىرماعان. ال، وسى كەزدە پەريناتالدىق ورتالىق قىزمەتكەرلەرى تاستاندى بالاعا قاتىستى اكت تولتىرعان.

كەيىن نارەستە بالالار ۇيىنە، ودان ءارى اقكول كەنتىندەگى بالالار ۇيىنە تاربيەلەنۋگە جىبەرىلگەن. قازىرگى كەزدە، جاس ءوسپىرىم اتا-اناسىمەن قاۋىشتى. ال، پەريناتالدىق ورتالىق قىزمەتكەرلەرىنە قاتىستى تەكسەرىس جۇرگىزىلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى