پرەزيدەنتتىك «بولاشاق» ستيپەندياسىن كىمدەر يەلەندى؟

ءتىزىم «حالىقارالىق باعدارلامالار ورتالىعى» ا ق سايتىندا جارىق كوردى. بارلىعى 171 ادام «بولاشاق» ستيپەندياسىن الاتىن بولدى.

«ەسكە سالامىز، يەگەرلەردى ىرىكتەۋ ەرەجەسىنىڭ 27 پۋنكتىنە ساي شەتەلدە مامانداردى دايىنداۋ بويىنشا رەسپۋبليكالىق كوميسسيانىڭ «بولاشاق» ستيپەندياسىن تاعايىنداۋ تۋرالى شەشىمى شىققان سوڭ 90 كۇننىڭ ىشىندە قوعاممەن كەلىسىمگە وتىرۋ شارت.

بۇل ءۇشىن سايتتا جاريالانعان كەلىسىمگە وتىرۋ تۋرالى ماعلۇماتتارمەن تانىسىپ شىعۋ كەرەك.

ەگەر 90 كۇن ىشىندە كەلىسىم شارت جاسالماسا ەرەجەنىڭ 28-تارماعىنا سايكەس اكتسيونەرلىك قوعام «بولاشاق» ستيپەندياسىن قايتارىپ الۋ تۋرالى ماسەلەنى قارايتىن بولادى»، - دەدى «حالىقارالىق باعدارلامالار ورتالىعى» ا ق وكىلدەرى.

تولىق ءتىزىمدى مىندا كورۋگە بولادى. ايتا كەتەرلىگى، كەشە ق ر مەملەكەتتىك حاتشىسى گۇلشارا ءابدىقالىقوۆانىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ كەزەكتى وتىرىسى بارىسىندا 171 ادامعا «بولاشاق» ستيپەندياسى تاعايىندالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى