استانادا جالعان قۇجاتپەن پاتەر ساتاتىن الاياقتار ءجۇر

بۇل جايىندا استانا قالالىق ىشكى ىستەر دەپارتامەنتىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.

«ەسىل اۋداندىق ىشكى ىستەر باسقارماسى كريمينالدىق پوليتسيا ءبولىمىنىڭ قىزمەتكەرلەرى جۇرگىزگەن جەدەل ىزدەستىرۋ بارىسىندا الاياقتىق جاسادى دەگەن كۇدىكپەن شىعىس قازاقستان وبلىسىنىڭ 35 جاستاعى تۇرعىنى ۇستالدى. ول جالعان قۇجاتتار جاساۋ ارقىلى ەليتالى تۇرعىن ءۇي كەشەندەرىنىڭ پاتەرلەرىن قايتا راسىمدەپ ساتقان.

پوليتسياعا «لەسسور 2020» ج ش س- نان بەلگىسىز ادامنىڭ «سولتۇستىك شۇعىلاسى» تۇرعىن ءۇي كەشەنىندەگى پاتەردى قايتا راسىمدەپ، 44 ميلليون تەڭگەگە ساتقانى تۋرالى شاعىم تۇسكەن.

ءدال وسىنداي تاسىلمەن اتالعان كەشەندەگى تاعى ءبىر پاتەر 45 ميلليون تەڭگەگە ساتىلعان. جەدەل ىزدەستىرۋ شاراسى بارىسىندا كۇدىكتىنىڭ وتكەن جىلدىڭ قازانىندا دوستىق كوشەسى بويىنداعى پاتەردى قايتا راسىمدەپ، 86 ميلليون تەڭگەگە ساتقانى انىقتالدى»، - دەلىنگەن تاراتىلعان اقپاراتتا.

ۇستالعان كۇدىكتى استانا قالالىق ءى ءى د ۋاقىتشا وقشاۋلاۋ ورتالىعىنا قامالدى. جەدەل تەرگەۋ شارالارى جۇرگىزىلۋدە.

ق ر ق ك «الاياقتىق» بابى بويىنشا سوتقا دەيىنگى تەرگەۋ امالدارى قولعا الىنعان. استانا قالالىق ىشكى ىستەر دەپارتامەنتى ازاماتتارعا ساق بولۋدى، قۇجاتتاردى ءۇشىنشى تۇلعالارعا بەرمەۋدى جانە الاياقتاردىڭ سوزىنە الدانىپ قالماۋدى ەسكەرتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى