استانادا ايگىلى كۇيشى بەيسەنبىنىڭ شىعارماشىلىعىنا ارنالعان كەش وتەدى

 دەپ حابارلايدى قازاقپارات ءتىلشىسى.

بەيسەنبى دونەنباي ۇلى - (1803-1872) قىتايدىڭ التاي ايماعى، بۋىرشىن اۋدانىندا تۋعان. سول داۋىردەگى التايداعى ايگىلى ءتورت ءبيدىڭ ءبىرى بولعان. ءادىل بيلىگىمەن، اسقان دومبىراشى، سازگەرلىگىمەن حالىققا كەڭىنەن تانىلعان.

«استانا قالاسى فيلارمونياسىنىڭ باسشىسى ساكەن ءابدىراحمانوۆ بيىلعى جىلدى ءداستۇرلى مۋزىكانى دارىپتەۋ جىلى ەتىپ بەلگىلەگەن. وسى تىڭ جوبانىڭ اياسىندا تاريحىمىزداعى بەلگىلى تۇلعالاردى حالىققا دارىپتەۋدى قولعا الدىق. سول قاتاردا قازاق كۇي ونەرىندەگى التاي- تارباعاتاي كۇيشىلىك مەكتەبىنىڭ بەلدى وكىلدەرىنىڭ ءبىرى بەيسەنبى دونەنباي ۇلىنىڭ شىعارماشىلىعىن اتاۋعا بولادى. «ءبىزدىڭ «سارى ارقا» حالىق مۋزىكا انسامبلى بۇرىننان كۇيلەرىن ورىنداپ جۇرگەن بەيسەنبىنىڭ شىعارمالارى ءالى دە بولسا حالىققا كەڭىنەن تانىلا قويعان جوق. بەيسەنبى دونەنباي ۇلىنىڭ بۇگىنگى كۇنگە 147 كۇيى جەتىپ وتىر. ونىڭ 47 - ءسى قورجىنىمىزدا ساقتاۋلى، ال بەجەڭنىڭ (ەل وسىلاي اتاپ كەتكەن) 20 كۇيى انسامبلگە ەنگىزىلگەن. مىسالى كۇيشىنىڭ تەك «كەڭەس» دەپ اتالاتىن قىرىققا جۋىق كۇيى بارىنا كوز جەتكىزدىك. ودان بولەك جىلقىعا، باتىرلارعا ارنالعان كوپتەگەن كۇيلەرى بار ەكەن. ەندەشە وسىنداي مول قازىنالى كۇيشىنىڭ شىعارماشىلىعىنان نەگە جەكە كونسەرت ۇيىمداستىرماسقا دەگەن وي كەلدى»، - دەيدى «سارى ارقا» حالىق مۋزىكا انسامبلىنىڭ كوركەمدىك جەتەكشىسى ەرجان توقسابانوۆ.

ۇيىمداستىرۋشىلار 16 -تامىز كۇنى وتەتىن بەيسەنبى دونەنباي ۇلىنىڭ شىعارماشىلىعىنا ارنالعان «ءادىل ءبي، تارلان كۇيشى» اتتى شىعارماشىلىق كەشتى جوعارى دەڭگەيدە اتاپ وتپەك. 
«اتالعان كۇي كەشىندە انسامبل بەجەڭنىڭ ونشاقتى كۇيىن ورىنداماق، سونداي- اق سىبىزعىنىڭ، سازسىرنايدىڭ سۇيەمەلدەۋى بار. سوسىن تاعى بىرەر كۇيى جەتىگەن مەن ادىرناعا ءتۇسىرىلىپ جەكە ورىندالسا، ودان بولەك ءتورت دومبىرادا ءتورت داۋىستا وينالاتىنى دا بار. سونىمەن قاتار بەيسەنبىنىڭ اتاقتى «جىلىپ وتكەن دۇنيە» اتتى كۇيىن ادەيى نارقوبىزعا لايىقتاپ كورەرمەن نازارىنا ۇسىنعالى وتىرمىز. «الاكوز اتتىڭ ءجۇرىسى» دەگەن كۇيى جەتىگەن مەن ادىرنادا وينالادى. ءبىزدىڭ فيلارمونيادا «شالقىما» اتتى حالىق ءبي انسامبلى بار. سولار انسامبلىمىزدىڭ سۇيەمەلدەۋىمەن فولكلورلىق ستيلدە ءبي شىعارۋعا قىزۋ دايىندىق ۇستىندە. نەگىزىندە بەجەڭنىڭ شىعارمالارىنىڭ بارلىعى دومبىرامەن تارتىلاتىن كۇيلەر. ءبىراق، ءبىزدىڭ باستى ماقساتىمىز - دارىندى كۇيشىنىڭ كۇيلەرىن ەلگە تانىتۋ بولعان سوڭ، بۇل كەشىمىزدە ءارتۇرلى اسپاپتا ويناپ، ەرەكشە قىزىقتى ەتىپ، جوعارى دەڭگەيدە وتكىزگەلى وتىرمىز. سونىمەن بىرگە اتاۋلى كەشتە تانىمال ءداستۇرلى انشىلەردىڭ قاتىسۋىمەن التاي- تارباعاتاي اۋەندەرىنەن دە اندەر ورىندالادى»، - دەيدى ە. توقسابانوۆ.

 اۆتور: بەيسەن سۇلتان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى