قازاقستاننىڭ قاي ءوڭىرىنىڭ تۇرعىندارى اۋىرۋعا بەيىم
بۇگىندە پورتالدا ورتالىق جانە جەرگىلىكتى مەملەكەتتىك ورگاندارمەن 2343 اشىق دەرەكتەر جيناعى جاريالانعان. پورتالداعى ەڭ قىزىقتى دەرەكتەرگە اۋرۋلار تۋرالى اقپارات جاتادى. مۇندا 2015 جانە 2016 -جىلدار بويىنشا اۋرۋلاردىڭ تۇرلەرىنىڭ ايماقتارداعى تارالۋىنا قاتىستى تولىق اقپاراتتار بار.
بىلتىرعى جىلدىڭ اشىق دەرەكتەرىنە سايكەس اۋرالار بويىنشا جوعارعى كورسەتكىشتەر پاۆلودار وبلىسىندا (76078,9)، ودان كەيىن الماتى قالاسى (69351,6) مەن جامبىل وبلىسىندا (67538,4) بايقالعان. ال اۋرۋلار بويىنشا ەڭ تومەنگى كورسەتكىش اتىراۋ (29480) جانە باتىس قازاقستان وبلىستارىندا (42853) تىركەلگەن.
بىلتىرعى جىلدىڭ قورىتىندىلارىنا سايكەس قاتەرلى ىسىكتەرگە قاتىستى اۋرۋلار بويىنشا سولتۇستىك قازاقستان وبلىسى كوش باستاپ تۇر (337,8)، ودان كەيىن پاۆلودار وبلىسى (302,3)، قوستاناي وبلىسى (299,8). ەڭ تومەنگى كورسەتكىش الماتى (53,1) جانە وڭتۇستىك قازاقستان وبلىستارىنىڭ (101) ۇلەسىندە. وكپە تۋبەركۋلەزى اۋرۋى بويىنشا سولتۇستىك قازاقستان وبلىسىندا جوعارعى كورسەتكىش (72,9) تىركەلگەن، اقمولا وبلىسى (70,8)، اتىراۋ وبلىسى (66,3). ال الماتى (36,7) جانە وڭتۇستىك قازاقستان وبلىستارىندا (40,8) تۋبەركۋلەزگە شالدىققاندار باسقا ايماقتارعا قاراعاندا از بولىپ شىقتى.
سولتۇستىك قازاقستان وبلىسى قانت ديابەتى بويىنشا كوش باستاپ كەلەدى. مۇنداعى كورسەتكىش 304,5 قۇراسا، قوستاناي وبلىسىندا 294,2، پاۆلودار وبلىسىندا 270. ماڭعىستاۋ وبلىسىنداعى ەڭ تومەن كورسەتكىش 132,7 تى قۇرادى.
