الماتى وبلىسىنىڭ وقۋ ورىندارى جاستاردى جاڭا ماماندىقتارعا وقىتادى

وقۋعا قابىلدانۋعا ۇمىتكەرلەر ءتىزىمىن جەرگىلىكتى جەرلەردە ارنايى قۇرىلعان موبيلدىك توپتار انىقتاۋدا. بۇگىنگى كۇنگە جۇمىسشى ماماندىقتاردى دايىنداۋ بويىنشا 43 ماماندىقتىڭ تىزبەسى ازىرلەنىپ، كوللەدجدەر ءتىزىمى بەكىتىلگەن. وبلىستىق ءبىلىم باسقارماسىنىڭ مالىمەتىنە سۇيەنسەك، وڭىردەگى تەحنيكالىق جانە كاسىپتىك ءبىلىم بەرۋ كوللەدجدەرىنە بيىلعى جاڭا وقۋ جىلىندا جالپى مەملەكەتتىك ءبىلىم بەرۋ تاپسىرىسى نەگىزىندە وبلىستىق بيۋدجەت ەسەبىنەن 5600 دەن استام ادام قابىلداۋ جوسپارلانىپ وتىر.

سونىڭ 4500 گە جۋىعى جۇمىسشى ماماندىقتار بويىنشا وقىتىلاتىن بولادى. كوللەدجدەردە تەحنيكالىق جانە تەحنولوگيالىق، اۋىل شارۋاشىلىعى، قۇرىلىس، قىزمەت كورسەتۋ سالالارى بويىنشا جانە باسقا دا باعىتتا ماماندار دايارلانباق. سونىمەن قاتار ءبىرقاتار كوللەدجدەردە جاڭا ماماندىقتار اشىلدى. ماسەلەن، ولاردىڭ قاتارىندا «گاز قۇبىرلارىن پايدالانۋ جانە جوندەۋ سلەسارى»، «سلەسار - ۆاگونداردى قۇراۋشى»، «اشىتۋ پروتسەسىنىڭ وپەراتورى»، «سىزۋشى»، «كوكونىس تۇزداۋشى»، «قايماعى الىنباعان جانە اشىمالى ءسۇت ونىمدەرىن جاساۋ شەبەرى» جانە باسقا دا بۇگىنگى ەڭبەك نارىعىندا سۇرانىسقا يە ماماندىقتار بار. بۇل ماقساتقا وبلىستىق بيۋدجەتتەن 90,2 ميلليون تەڭگە ءبولىنىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى