استانادا ەلوردانىڭ ەڭ ۇزدىك قىزمەتكەرىنە داۋىس بەرۋ باستالدى
بايقاۋعا قاتىسۋ ءۇشىن 23 ءوتىنىش كەلىپ ءتۇستى. قۇجاتتاردى قابىلداۋ 20 -مامىر-20 -شىلدە ارالىعىندا جۇزەگە اسىرىلدى. «بايقاۋ ەلباسىنىڭ يدەياسىن ىسكە اسىرۋ اياسىندا وتكىزىلۋدە. پرەزيدەنتتىڭ جارلىعىمەن ەڭبەك كۇنى بەكىتىلگەن بولاتىن. «ەڭبەك جولى» بايقاۋى ەكىنشى رەت وتكىزىلىپ وتىر.
ونىڭ ماقساتى - ەڭبەك ادامىنىڭ الەۋەتىن، ەڭبەك ونىمدىلىگىن ارتتىرۋ، جۇمىس ماماندىقتارىن ناسيحاتتاۋ. بايقاۋ ءۇش اتالىمنان تۇرادى: «ەڭ ۇزدىك ەڭبەك ديناستياسى»، «ەڭ ۇزدىك كاسىپورىن قىزمەتكەرى»، «جۇمىسشى جاستىڭ ۇزدىك جەتەكشىسى». جەڭىمپازداردى تاڭداۋ ەكى كەزەڭ بويىنشا ىسكە اسىرىلادى: قالالىق جانە رەسپۋبليكالىق دەڭگەيدە. داۋىس بەرۋدىڭ ءبىرىنشى كەزەڭى بۇگىن باستالدى جانە ول 31 -تامىزدا بىتەدى»، - دەدى جۇمىسپەن قامتۋ ءبولىمى باسشىسىنىڭ مىندەتىن اتقارۋشى ماقپال اقباسوۆا.
ەڭ ۇزدىك قىزمەتكەرگە مىنا سىلتەمە بويىنشا داۋىس بەرۋگە بولادى: داۋىس بەرۋ 3 اتالىم بويىنشا جۇزەگە اسىرىلادى:
1.«ۇزدىك ەڭبەك ديناستياسى» - ەڭ ۇزاق ەڭبەك وتىلىمىمەن بىرنەشە ماراپاتتاۋى بار ەڭ كوپجىلدىق ديناستيا تاڭدالادى.
2. «ءوندىرىستىڭ ۇزدىك جاس جۇمىسشىسى» -5 جىلدان كەم ەمەس ەڭبەك وتىلىمىمەن ءوندىرىستىڭ ەڭ بەلسەندى جانە ەڭبەكقور جۇمىسشىسى تاڭدالادى.
3. «جۇمىسشى جاستىڭ ۇزدىك جەتەكشىسى» -20 جىلدان كەم ەمەس ەڭبەك ءوتىلىمى بار ەڭ جوعارى ناتيجەلى جەتەكشى تاڭدالادى. داۋىس بەرۋ 3 اتالىم بويىنشا وتەدى: ونلاين- داۋىس بەرۋ - ەڭ كوپ داۋىس جيناعان ءار اتالىم بويىنشا 3 كوشباسشىنى انىقتايدى (باس- اياعى 9 ۇمىتكەر). ەكىنشى كەزەڭدە وڭىرلىك كوميسسيا 3 كوشباسشى اراسىندا بايقاۋدىڭ جەڭىمپازدارىن انىقتايدى.
ەڭ ۇزدىك قاتىسۋشىلاردى ماراپاتتاۋ رەسپۋبليكالىق «جالپىعا ورتاق ەڭبەك قوعامىنا» فورۋمىن وتكىزۋ كۇنىندە وتەدى. جەڭىمپازدار قۇندى سىيلىقتارمەن جانە ديپلومدارمەن ماراپاتتالادى. بارلىق قاتىسۋشىلار العىسحاتتارمەن ماراپاتتالادى.
