الەمدىك كينوستۋديالاردىڭ لوگوتيپى قالاي جاسالعان - فوتو
ال، كينوستۋديانى حالىق ونىڭ لوگوتيپىنە قاراپ اڭعارادى.ءبىراق، ولاردىڭ تاريحى تۋرالى بىلە بەرمەيدى.
"DREAMWORKS"
1994 -جىلى رەجيسسەر ستيۆەن سپيلبەرگ، ديسنەيدىڭ ديرەكتورى دجەفري كاتسبەرگ جانە مۋزىكالىق پروديۋسەر دەۆيد گەففيت جاڭا كينوستۋديانىڭ نەگىزىن قالاماق بولادى.
كومپانيانىڭ العاشقى لوگوتيپىن كومپيۋتەردىڭ كومەگىنە سۇيەنىپ جاساۋدى ويلايدى: باستاپقىدا بالىق اۋلاپ وتىرعان ەر ادام بەينەلەنۋى ءتيىس بولاتىن. ءبىراق سۋرەتشىلەردىڭ ءبىرى ءداستۇرلى سۋرەت ونەرىن قولدانۋدى ۇسىنادى. 
لوگوتيپ دايىن بولعان شاقتا سۋرەتشىلەردىڭ ءبىرى لوگوتيپتىڭ وزگە نۇسقاسىن ۇسىنادى.
ايعا قارماق قۇرىپ وتىرعان ەر ادامنىڭ ورنىن كىشكەنتاي بالا الماستىرعان لوگوتيپ بىردەن سپيلبەرگتىڭ كوڭىلىنەن شىعادى. بالانىڭ بەينەسى لوگوتيپتى جاساپ شىققان سۋرەتشى روبەرت حانتتىڭ ۇلىنىڭ ءپروتوتيپى رەتىندە جاسالدى.
"Paramount Pictures"
ايگىلى كومپانيا 1912 -جىلى ينۆەستور ادولف تسۋكر مەن تەاتر ماگناتتارى اعايىندى فرومانداردىڭ كومەگىمەن ومىرگە كەلەدى. Paramount Pictures كومپانياسىنىڭ لوگوتيپىن جاساپ شىعارعان سۋرەتشىنىڭ ەسىمى - ۋيليام حوتكينس. ول ءوزىنىڭ تۋعان جەرى، بالالىق شاعىنىڭ كۋاگەرى بولعان يۋتا شتاتىندا ورنالاسقان بەن- لوموند تاۋىن لوگوتيپتىڭ نەگىزگى سيمۆولى ەتىپ الادى. 
باستاپقىدا لوگوتيپتە 24 جۇلدىز بەينەلەنگەن. ولار كومپانيا قۇرىلا سالىسىمەن كەلىسىمشارتقا وتىرعان اكتەرلەردىڭ سانىن بىلدىرەدى. ءبىراق، قازىرگى ساتتە، نەگە ەكەنى بەلگىسىز، نەبارى 22 جۇلدىز قالعان.
"Columbia Pictures"
وسى كومپانيانىڭ 1924-جىلى نەگىزى قالاندى. لوگوتيپتەگى ايەل وبرازى امەريكانى بەينەلەيدى. باستاپقىدا قاتەلىكتەر كوپ ورىن العانىمەن، 1984 -جىلى بۇل لوگوتيپ قايتا وڭدەلەدى. جازۋ ۇزارىپ، ارتقى بەينەدە بۇلتشالار پايدا بولادى. 
ال قازىرگى قولدانىستاعى لوگوتيپ 1993 -جىلى جاڭاردى. ايەلدىڭ بەينەسىن سومداعان قاراپايىم ءۇي شارۋشالىعىمەن اينالىساتىن دجەنني دجوزەف اتتى ايەل بولسا، مۋزىكالىق سۇيەمەلدەگەن - كومپوزيتور دجوناتان ەليس.
"Metro Goldwyn Mayer"
« ارىستان لەو» جوباسىن جۇزەگە اسىرعان اقىن گارۆارد ديەتس ەدى. العاشقى جۇمىسى 1924 -جىلى جارىق كوردى. بۇل ارىستاننىڭ ءرولىن سومداعان جىرتقىشتاردىڭ سانى - بەسەۋ.
ءبىرىنشى بولعان سلاتس اقىرعان دىبىس شىعارمايتىن. جاي عانا لوگوتيپتى اشەكەيلەۋ قۇرالى بولعان. ەكىنشى دجەكي ەسىمدى ارىستان تۇڭعىش رەت لوگوتيپتە اقىرعان دىبىسى ارقىلى جارق ەتتى. دەگەنمەن، ول ۋاقىتتاردا فيلمدەردە ءتىل قاتپايتىن. سوندىقتان ونىڭ جۇلدىزى جانا قويمادى. ءۇشىنشى ارىستان تاننەر دەپ اتالسا، ءتورتىنشى ارىستان تۋرالى مالىمەت جوق. سىزدەر كورىپ جۇرگەن ارىستاننىڭ ەسىمى - لەۆ. 
ول بۇل لوگوتيپكە 1957 -جىلى ەندى.
"Walt Disney Company"
اعايندى ۋولتەر جانە روي ديسنەي 1932 -جىلى Disney كومپانياسىنىڭ نەگىزىن قالادى. ونىڭ لوگتيپىن بارلىعى بىلگەنىمەن، بەينەلەنگەن قورعان تاريحىن كوپ ادام بىلە بەرمەيدى. بۇل ايگىلى «اققۋ قورعانى» دەپ اتالاتىن نويشۆانتەين قامالى. بۇل عيمارات الەمدەگى ەڭ ءىرى كينوستۋديانىڭ بەلگىسىنە اينالدى. ءبىراق، لوگوتيپ تەك 2006 -جىلعا دەيىن قولدانىلدى. كەيىن ونى كۇلبيكەنىڭ قامالى رەتىندە تانىمال بولعان شوتو ديۋسسە قامالىمەن الماستىردى.
Massaget.kz
