بالا تاربيەسى: بوتەن ادامدار اراسىندا ءوز- ءوزىن ۇستاۋدى ۇيرەتۋ

قوعامداعى ءتۇرلى سۇمدىقتى كوبىرەك ەستىپ-بىلگەن سايىن بالاسىن قىزعىشتاي قورىپ، كوز الدىنان تاسا قىلا المايتىن قورقاقتىق كۇيگە جەتتى. جازىم اياق استىنان دەيدى. بالا نازارىڭىزدان تىس قالىپ، بەيتانىس ورتاعا تاپ بولۋى مۇمكىن. بارلىق جاعدايعا دايىن ەتىپ، بوبەگىڭىزگە مىنانى ۇيرەتىپ قويىڭىز.

ەڭ الدىمەن، «بەيتانىس» ۇعىمىن ءتۇسىندىرىڭىز. ول كىم، قانداي بولادى - وسىنى ايتىڭىز. بىزگە اتا- انامىز "بەيتانىس اداممەن سويلەسپە" دەپ قۇلاعىمىزعا قۇيىپ ءوسىردى. كوپ جاعدايدا بۇل اقىلدىڭ پايداسى تيەدى. ادام الاسى ىشىندە. ءبىر كورگەندە ءبارى جاقسى كورىنەدى. اتا-انانىڭ باستى مىندەتى بالانى ادامدى تاني الۋعا ۇيرەتۋ. كەيدە بەيتانىسپەن دە سويلەسۋ كەرەك. ەگەر بالا ساياباقتا، دۇكەندە نە باسقا جەردە جولدان اداسىپ كەتسە، اينالامدا ەشكىمدى تانىمايمىن دەپ ابدىراپ جۇرمەسىن. مۇنداي جاعدايدا بالا تانىمايتىن كىسىلەردەن كومەك سۇراۋى كەرەك. قاۋىپ تەك بەيتانىستان عانا كەلمەيدى. بالاڭىزعا زيانىن تيگىزەتىن كورشى، دوستار، ءتىپتى تۋىستارىڭىز بولۋى دا عاجاپ ەمەس. بالاعا ءتۇسىندىرىڭىز. ەگەر جانىنداعى ەرەسەك كىسىلەر وعان مورالدىق نە فيزيكالىق تۇرعىدان قىسىم كورسەتسە، دەرەۋ ءسىزدى حاباردار ەتۋى كەرەك.

بوتەننەن قورىققانىنان «اۋرۋىن جاسىرعان ولەدىنىڭ» كەبىن كيىپ جۇرمەسىن. ءسابي اينالاسىنىڭ بارلىعىنان قاۋىپتەنىپ، قورقاسوقتاپ جۇرمەۋى كەرەك، تەك ساق بولۋىن ۇيرەتىڭىز. بەيتانىستار تۋرالى ايتىلعان قورقىنىشتى اڭگىمەلەردى جادىنان شىعارماي، ءومىر بويى قورشاعان ورتاسىنا قاۋىپپەن قاراۋعا بولمايدى. بىرىنشىدەن، بالانىڭ پسيحيكاسى بۇزىلۋى مۇمكىن، ەكىنشىدەن، وزگەلەرمەن قارىم-قاتىناس ورناتۋدان تىيىلىپ قالادى. وسى جاعدايلاردى بولدىرماس ءۇشىن اق-قارانى اجىراتۋدى ۇيرەتىڭىز.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى