ەينشتەيننىڭ ەڭ اتاقتى پورترەتى ءباسساۋدادا ساتىلدى

ساتىپ العان ادامنىڭ اتى قۇپيا ساقتالادى. اتالعان فوتوسۋرەتتى ارتۋر ساسسە 1951 -جىلى 14 -ناۋرىزدا عالىمنىڭ 72 جاسىن تويلاعان كەشتە جاساعان ەكەن. پرينستون كلۋبىندا وتكەن شارادا فوتوگرافتارعا قاراپ جىميا بەرۋدەن شارشاعان ەينشتەين ساسسەنىڭ وتىنىشىنە ءتىلىن شىعارعان ەكەن. UPI (United Press International) رەداكتورلارى العاشىندا بۇل سۋرەتتى باسپادان شىعارعىسى كەلمەگەن، دەگەنمەن، قازىر بۇل عالىمنىڭ ەڭ اتاقتى پورترەتى.

سۋرەت عالىمنىڭ وزىنە دە قاتتى ۇناعانى سونشا، ول 9 دانا كوشىرمەسىن جاساتىپ، دوستارىنا تاراتىپ بەرگەن ەكەن. فوتوسۋرەتتىڭ ءتۇپنۇسقاسىندا عالىمنىڭ تەك ءوزى عانا ەمەس، سول تويدا قاسىندا بولعان دارىگەر فرانك ەيدەلوت پەن ونىڭ جۇبايى جانە عالىمنىڭ اۆتوگرافى بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى