قورعاس بەكەتىندە زاڭسىز كازينو اشقاندار ۇستالدى

 ناقتىراق ايتساق، ويىنحانا ىشىندە توعىز پوكەر ويىنىنا ارنالعان ستول، مىڭ دانا ويىن فيشكاسى جانە ءجۇز دانادان اسا ويىن كارتاسى مەن وتىزدان اسا كومپيۋتەرلىك تەحنيكا تاركىلەندى. جەدەل ىزدەستىرۋ بارىسىندا كولەڭكەلى كاسىپورىن اۋماعىندا 30-دان اسا ادام بولعان. ونىڭ جارتىسى قىزمەتكەرلەر، قالعانى كۇن شىعىس ەلىنىڭ ازاماتتارى ەكەن. ۇيىمداستىرۋشىلاردىڭ ۇستىنەن قىلمىستىق ءىس قوزعالدى.

 ايتا كەتسەك، ولار 7 جىلعا دەيىن باس بوستاندىعىنان ايىرىلۋى نەمەسە اسا ءىرى كولەمدە ايىپپۇل تولەۋى مۇمكىن. ال شەتەلدىك ازاماتتار قىتاي بيلىگىنە تاپسىرىلدى.

 جاقسىلىق مىرزاحان، وبلىستىق م ك د ەكونوميكالىق تەرگەۋ قىزمەتىنىڭ وكىلى:

- اتالعان فاكتى بويىنشا ق ر قىلمىستىق كودەكسىنىڭ 307 بابى بويىنشا ياعني، زاڭسىز ويىن بيزنەسىن ۇيىمداستىرۋ بابىمەن قىلمىستىق ءىس قوزعالىپ، تەرگەۋ امالدارى جۇرگىزىلۋدە. اتالعان باپ بويىنشا تەك قانا ويىنحانانى ۇيىمداستىرۋشالار عانا ەمەس، عيماراتتى جالعا بەرگەن ازاماتتاردى دا جاۋاپكەرشىلىككە تارتۋ قاراستىرىلعان.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى