ماحابباتتىڭ ىشكى داۋىسى
ەگەر ەسەسىنە ءبىر نارسە كۇتەتىن بولساڭ، نە كوڭىلىڭ قالعانىن بايقاساڭ، سەنىڭ سالەمىڭە ءتۇزۋ جاۋاپ قاتپاسا، ول سەنى ءالى دە قابىلداماعانىن تۇسىنەسىڭ. ول ءوزىڭدى قالتقىسىز سۇيەتىنىن تۇسىنگەنىڭدە عانا وعان باسى ءبۇتىن بەرىلەسىڭ.
ەسەسىنە ەشتەڭە كۇتپەي بارىڭدى بەرۋ - سەنۋ دەگەن ءسوز. سەنىڭ قاجەتتىلىگىڭ وعان بارىڭدى بەرۋمەن بۇتىندەلەتىنىن سەزۋ. سەنى سۇيگەن جان باسقاشا بولۋى مۇمكىن ەمەس. ءوزىڭدى قورعاي بەرۋدىڭ ەش قاجەتتىلىگى جوق ەكەنىن ءتۇيسىنۋ. ءوزىڭنىڭ وعان قىزمەت ەتۋگە دايىندىعىڭدى ءبىلۋ - ۇلكەن باقىت.
سەنىم دەگەن تەگىن بەرىپ، تەگىن الاتىن باقىتقا باستايدى. بۇل سول ءبىر ادامعا عانا قاتىستى بولماۋى دا ىقتيمال. ەڭ ءقاۋىپتىسى ادامدارعا ءۇمىتىڭدى ۇكىلەپ، اياعىڭدى ءتاي- ءتاي باسىپ، ادىمىڭدى ساناپ، سەنە باستاعان ساتتە ولار سەنى بولشەكتەپ ءار جاققا تاسىپ جاتقانداي سەزىنەسىڭ. ەگەر وزىڭە- ءوزىڭ ءتان بولماساڭ، وزگەگە نەڭدى بەرەسىڭ؟ ءوزىڭدى تانۋ بارىنەن ماڭىزدى. ول ءۇشىن جۇرەگىڭدەگى يمانىڭدى تاپ. ادامداردىڭ نەنى بەرىپ، نەنى الاتىنىن سوندا ۇعاسىڭ.
ىقتيارسىز جاقسىلىق دەگەن سەنىمسىز اتقارىلعان مىندەت. تەك ءوزىڭنىڭ وزىمشىلدىگىڭنەن تۋىنداعان سۇرانىس. مۇنداي كەزدە مارتتىك بار بولعانى وزگەنى ۋىسىڭدا ۇستاۋ سياقتى ۇساق قۋلىق قانا بولماق. ءوزىڭدى سۇيىكتى سەزىنگەن كەزدە ول ادامنىڭ سۇرانىسىن تولىققاندى ورىنداي الاسىڭ. ونىڭ بەرەرىنە دە مۇلتىكسىز سەنىپ، كۇمان- كۇدىك كەلتىرمەيسىڭ. وسىنداي كەزدە بەرگەنىڭە دە، العانىڭا دا رياسىز ريزا بولاسىڭ. بەرە الاتىن قۇدىرەتىڭنىڭ بارىن ماقتان ەتەسىڭ. ءوزىڭدى ەركىن، ازات سەزىنەسىڭ. سەزىمنىڭ ەركىندىگىنەن قاناتتاناسىڭ. عاجاپ كۇيگە بولەنەسىڭ.
گەنري نۋۆەن
اۋدارعان شىنار ءابىلدا
