الماتىدان اقتاۋعا ۇشىپ شىققان ۇشاقتى قۇستار اۋەجايعا قايتا قوندىردى

 «30 - شىلدە كۇنى «ەير استانا» اۋە كومپانياسىنىڭ الماتىدان اقتاۋعا قاتىنايتىن ك س 884 رەيسىن ورىنداعان «Airbus A321» ۇشاعىنا رەيستى ورىنداۋ بارىسىندا اۋەدە قۇستار سوعىلعان. ۇشاق الماتىدان ساعات 22:25-تە ۇشىپ شىققان. قاۋىپسىزدىكتى ويلاعان ەكيپاج اۋە كەمەسىن قايتادان الماتى اۋەجايىنا قوندىرۋ تۋرالى شەشىم قابىلدادى. ۇشاق 23-40-تا الماتى اۋەجايىنا كەلىپ قوندى. اۋە كومپانياسىنىڭ ينجەنەرلەرى ۇشاقتى تەكسەرىپ شىعىپ، ونىڭ قاتتى زاقىمدانباعانىن، ۇشۋعا جارامدى ەكەنىن انىقتادى. وسىدان كەيىن، ۇشاق 00:55-تە قايتادان رەيستى ورىنداۋعا اۋەجايدان ۇشىپ شىقتى»، دەلىنگەن حابارلامادا.

 اۋە كومپانيا باسپا ءسوز قىزمەتىنىڭ مالىمەتىنە سۇيەنسەك، ۇشاقتارعا قۇستاردى سوعىلۋى وتە قاۋىپتى. 2017 -جىلدىڭ باسىنان بەرى الماتى اۋەجايىندا ۇشاقتارعا 7 رەت قۇستار سوعىلعان وقيعا تىركەلگەن. سونىڭ بىرىندە، ۇشاق زاقىمدانعان.

 «2016 -جىلى اۋەجايلاردا 59 رەت قۇستاردىڭ ۇشاققا سوعىلعان وقيعاسى تىركەلدى. سونىڭ 10-ىندا ۇشاق زاقىمداندى»، دەلىنگەن حابارلامادا.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى