كوكشەتاۋدا الەم چەمپيونىن ولتىرگەندەر سوتتالدى
وبلىستىق سوتتىڭ باسپا ءسوز قىزمەتىنىڭ مالىمەتى بويىنشا، اعىمداعى جىلدىڭ 27- شىلدەسىندە القا بيلەردىڭ قاتىسۋىمەن وتكەن سوت پروتسەسىندە ءتورت ايىپتالۋشىنىڭ ءبىرى دوسپايەۆ ق ر ق ك 99-باپ بويىنشا (ادام ءولتىرۋ) كىنالى دەپ تانىلىپ، 15 جىلعا باس بوستاندىعىنان ايىرۋ جازاسى تاعايىندالدى.
وعان قوسا، ول زارداپ شەگۋشى جاققا 2 ميلليون تەڭگە مورالدىق شىعىندى وتەيتىن بولدى. ال قالعان تاعى ەكى ايىپتالۋشى بۇزاقىلىق جاساعانى ءۇشىن الداعى 2 جىلىن تەمىر توردىڭ ار جاعىندا وتكىزەدى جانە اربىرەۋى 300 مىڭ تەڭگەدەن مورالدىق شىعىندى وتەيدى. ءتورتىنشى كۇدىكتى كىناسسىز دەپ تانىلدى. سوت ۇكىمى كۇشىنە ەنگەن جوق.
ەسكە سالاي كەتەيىك، وسىعان دەيىن تانىمال سپورتشى پاۋەرليفتينگتەن الەم چەمپيونى ەۆگەني گالۋزينسكيدىڭ بۇزاقىلاردىڭ قولىنان قازا بولعانى تۋرالى اقپارات جاريالاعان بولاتىنبىز. پوليتسەيلەردىڭ مالىمەتى بويىنشا قايعىلى وقيعا اعىمداعى جىلدىڭ 14- ناۋرىزىندا، تۇنگى 03:00 دەردە كوكشەتاۋ قالاسىنداعى اۆتوقالاشىق شاعىناۋدانىندا ورىن العان. دوسىمەن بىرگە ۇيىنە بارا جاتقان 25 جاستاعى سپورتشىنى ءبىر توپ جاس جىگىت توقتاتادى.
اراققا سىلقيا تويىپ العان جىگىتتەرمەن بىردەن سوزگە كەلىپ، ولاردىڭ اراسىندا توبەلەس شىعادى. بەس جىگىت ەۆگەني مەن ونىڭ دوسىن سوققىعا جىعادى. دوسى قاسكويلەردەن سىتىلىپ شىعىپ، سول ماڭداعى «روما» دۇكەنىنە كومەك شاقىرۋعا جۇگىرەدى. وسى كەزدە بۇزاقىلاردىڭ ءبىرى سپورتشىعا بىرنەشە جەردەن پىشاق سۇعىپ ۇلگەرەدى.
العان اۋىر جاراقاتتان ەۆگەني كوپ ۇزاماي كوز جۇمعان. وقيعا ورنىنا دەرەۋ جەتكەن پوليتسەيلەر اتالعان دۇكەندەگى بەينە جازبانى تەكسەرىپ، كوپ ۇزاتپاي كۇدىكتىلەردى قولعا تۇسىرەدى.
كۇدىكتىلەر - 1997-1999-جىلعى ستۋدەنتتەر. ونىڭ اراسىندا 1999-جىلعى كۇدىكتى قىلمىسىن موينىنا الىپ، ۇستىنەن ق ر ق ك 99-بابىنىڭ ^-ءبولىمى بويىنشا (ادام ءولتىرۋ) سوتقا دەيىنگى ءىس قوزعالدى. ال، قالعان كۇدىكتىلەرگە قاتىستى كەلىپ، تىركەلىپ وتىرۋ شاراسى قولدانىلىپ، ق ر ق ك 293- بابىنىڭ 2-ءبولىمى بويىنشا سوتقا دەيىنگى ءىس جۇرگىزىلگەن بولاتىن.
