تەمىرتاۋدىڭ ەكى تۇرعىنىن اتىپ كەتتى
وسىعان بايلانىستى پوليتسيا كۇدىكتىلەردى ىزدەستىرۋدە، دەپ حابارلايدى «قازاقپارات» ح ا ا ءتىلشىسى.
الدىن الا مالىمەتتەر بويىنشا، جاس جىگىتتەر توبەلەس بارىسىندا ولتىرىلگەن. «تەمىرتاۋ ءى ءى ب كريمينالدى پوليتسيا بولىمشەسىنىڭ قىزمەتكەرلەرى ەكى ازاماتتىڭ ولىمىنە تەمىرتاۋ قالاسىنىڭ 1986-جىلعى ەكى تۇرعىنىنان كۇدىكتەنىپ وتىر. ولاردىڭ قايدا ەكەندىگىن انىقتاۋ جانە ۇستاۋ بويىنشا ءتيىستى شارالار اتقارىلۋدا. سوتقا دەيىنگى ءىس قىلمىستىق كودەكستىڭ 99-بابى 2-تارماعىندا قاراستىرىلعان «كىسى ءولتىرۋ» ارەكەتى بويىنشا جۇرگىزىلىپ جاتىر»، - دەدى قاراعاندى وبلىسى ىشكى ىستەر دەپارتامەنتىنىڭ باسپا ءسوز قىزمەتىنىڭ باسشىسى.
پوليتسيا ەكى جىگىت قازاسىنىڭ انىق-قانىعى مەن جانجال سەبەپتەرىن انىقتاۋدا.
