شىعىس قازاقستاندا حالىقارالىق «الەم بارىسى» تۋرنيرىنە ىرىكتەۋ باستالدى - فوتو

دەپ حابارلايدى «قازاقپارات» ح ا ا ءتىلشىسى.

 بەسقاراعاي اۋدانىنداعى ورتالىق ستاديونعا ەلىمىزدىڭ 14 وبلىسىنان 40 پالۋان جينالدى. ولاردىڭ قاتارىندا ەڭ ۇزدىك «قازاقستان بارىسى» اتاعىنىڭ يەگەرلەرى ايبەك نۇعىماروۆ، مۇحيت تۇرسىنوۆ، بەيبىت ىستىبايەۆ جانە تاعى باسقالارى بار. چەمپيوناتتىڭ اشىلۋ سالتاناتى «باتامەنەن ەل كوگەرەر» اتتى تەاترلاندىرىلعان قويىلىممەن باستالىپ، ءۇش بولىمنەن: «ەكسپو-2017»، «سپورت»، جانە «ءبىر شاڭىراق استىندا» تۇراتىن جاستاردىڭ فلەشموبىمەن جالعاسىن تاپتى. بۇگىن قازاق كۇرەسى بويىنشا نەگىزگى جارىستار وتەدى. قازاقستان رەسپۋبليكاسى پرەزيدەنتىنىڭ «تۋعان جەر» باعدارلاماسىنىڭ باعىتتارىن جۇزەگە اسىرۋ اياسىندا اۋدان مەتسەناتتارى، سپورت قايراتكەرلەرى مەن ارداگەرلەرى اتالعان شارانى وتكىزۋ باستاماسىن قولعا الدى.

 وسىلايشا ولار تالانتتار مەن بولاشاق سپورت چەمپيوندارىن انىقتاۋعا ۇلەس قوسۋدا. بۇل سونداي- اق، بيزنەستىڭ الەۋمەتتىك جاۋاپكەرشىلىگى مەن وتانعا دەگەن قولداۋ بولىپ تابىلادى. «ۇلتتىق سپورتتىڭ ەرەكشە ءتۇرى - «قازاق كۇرەسىن» وتكىزۋدىڭ ءوزى پرەزيدەنت ماقالاسىندا ايتىلعان «رۋحاني جاڭعىرۋ» باعدارلاماسىن جۇزەگە اسىرىپ، وسكەلەڭ ۇرپاقتىڭ بويىندا پاتريوتتىق رۋح قالىپتاستىرۋدا ماڭىزدى رولگە يە»، دەيدى ءوڭىردىڭ اقپاراتتىق ورتالىعى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى