قازاقستاندىقتار قاي ەلدەردە دەمالعاندى جاقسى كورەدى

 مامانداردىڭ ايتۋىنشا، بيىل دا قازاقستاندىقتار تۇركيا، بولگاريا، گرەكيا، تايلاند، بىرىككەن اراب امىرلىكتەرى، گوا، قىرعىز رەسپۋبليكاسىندا دەمالعاندى قوش كورىپ وتىر. الايدا، بىرنەشە رەت ءبىر ەلدە دەمالعاندار جاڭا باعىتتارعا شىعا باستادى.

 «تۇركياعا 10 رەت بارعان ادامدار باعىتتارىن وزگەرتە باستادى. قازىر قازاقستاندىقتاردى گرۋزيا ەلىنىڭ كۋرورتتارى قىزىقتىرىپ وتىر. بۇل ەلدە تەك جاعاجاي عانا ەمەس، ەمدەۋ- ساۋىقتىرۋ سالاسى دا جاقسى دامىعان. الايدا يتاليا مەن يسپانيا ەلىنە باراتىندار دا بار. ءبىراق ولار كوپ ەمەس. بيىل قىس- كوكتەم مەزگىلىندە قازاقستاندىقتار ب ا ءا، تايلاند، مالايزيا، قىتاي، ءۇندىستان ەلدەرىندە دەمالدى»، - دەدى قازاقستان تۋريستىك قاۋىمداستىعىنىڭ مامانى شاكيرا ابىلبەكوۆا.

 ونىڭ ايتۋىنشا، بىلتىردان بەرى ىشكى تۋريزم جاندانىپ كەلەدى. كەيبىر وتانداستارىمىز شەتەلدەن جالىعىپ، تۋعان وتانىنداعى كورنەكتى ورىنداردى ارالاي باستاعان. ب ا ق بەتتەرىندەگى جاريالانىمدار تۋعان جەردى ارالاۋدى سانگە اينالدىرا باستادى.

 «بۇعان ءبىرىنشى كەزەكتە ەكونوميكالىق داعدارىس ىقپال ەتتى. قازاقستاندىقتار قارجىلىق تاپشىلىققا بايلانىستى، شەتەلگە شىقپاي، قازاقستاننىڭ دەمالىس ورىندارىنا شىعا باستادى. سونداي- اق، سىرتتان قازاقستانعا كەلەتىندەردىڭ سانى ۇلعايدى. بۇعان ەڭ الدىمەن ب ا ق بەتتەرىندەگى تانىستىرۋ ماتەريالدارىنىڭ كوبەيگەندىگى تۇرتكى بولدى. سونىمەن قاتار، ادس- ۆيزا، جەڭىلدەتىلگەن ۆيزا جۇيەسىن ەنگىزۋ دە سىرتتان كەلۋشىلەردىڭ لەگىن ارتتىرا ءتۇستى»، - دەدى ش. ابدىبەكوۆا.

 سىرتتان اعىلعان تۋريستەر لەگى بىلتىر جەلتوقساندا دا ۇزىلگەن جوق. كوبىنە قازاقستاندى تاماشالاۋعا ريۋكزاگىن ارقالاعان جاستار كوپ كەلگەن.

Aviata.kz كومپانياسىنىڭ باسشىسى الەكسەي لي 2017 -جىلى ىشكى تۋريزم ترافيگى سىرتقى تۋريزمنەن اسىپ تۇرعانىن جەتكىزدى. «بۇل تەڭگە كۋرسىنىڭ دوللارعا شاققانداعى باعامىنا بايلانىستى بولىپ تۇر. شەتەلدە دەمالۋ بۇرىنعىدان قىمباتقا تۇسەدى. ادامدار ەل ىشىندە كوبىرەك ساياحاتتاي باستاعانىن بايقاپ وتىرمىز. وسىنداي ستاتيستيكاعا ەكسپو- نىڭ ءوتىپ جاتقانى دا اسەر ەتسە كەرەك»، - دەدى الەكسەي لي.

 بەلگىلى ساقتاندىرۋ كومپانياسىنىڭ اقپاراتتىق تالداۋ ورتالىعى جۇرگىزگەن ساۋالناماعا سايكەس، دەمالۋشىلاردىڭ كوبى بيىلعى دەمالىسىن استاناداعى ەكسپو- دا وتكىزۋدى جوسپارلاعان. ماسەلەن الماتىلىقتاردىڭ % 12- ى استاناعا جول تارتقان ەكەن.

 Ranking.kz ەكونوميكا مونيتورينگىنىڭ حابارلاۋىنشا، قازاقستاندىقتاردىڭ شەتەلدىك دەمالىسى 27 پايىز قىمباتتاعان. 2015 -جىلى ءبىر قازاقستاندىق دەمالىسقا ورتا ەسەپپەن 39 مىڭ تەڭگە شىعىنداعان بولسا، 2016 -جىلى 49 مىڭ تەڭگە جۇمساۋعا ءماجبۇر بولدى. ال شەتەلدە دەمالۋ ءۇشىن قازاقستاندىقتار بىلتىر 2015 -جىلعا قاراعاندا 46 پايىزعا ارتىق اقشا جۇمساعان. قازاقستان تۋريستىك قاۋىمداستىعى باسشىسى راشيدا شايكەنوۆا قازاقستاندىقتاردىڭ شەتەلگە شىعۋدى ازايتۋىنىڭ بىرنەشە سەبەبىن اتادى.

«ىشكى تۋريزم دامىپ كەلەدى. ادامدار وتكەن جىلدارى شەتەلدى كورىپ ارالاپ تاستادى. ءبىراق، ءوز ەلىندە كوپ جەردى كورمەگەندەر بار. ءسوز جوق، قارجىلىق فاكتور دا اسەر ەتەدى. ادامدار، ماسەلەن الاكولگە جەتۋ ءۇشىن بارلىعىنا شىداۋعا بار. ويتكەنى، بۇل اناعۇرلىم ارزان ءارى كولدىڭ سۋى كەرەمەت شيپالى»، - دەدى راشيدا شايكەنوۆا.

 ونىڭ ايتۋىنشا، بۇگىن مەملەكەت تۋريزمدى دامىتۋعا كوپ كۇش سالىپ وتىر. الايدا، بۇل جەردە مەملەكەت كومەگىنىڭ قاي جەردە ءبىتىپ، بيزنەس جاۋاپكەرشىلىگى باستالاتىنىن ۇعىپ الۋىمىز كەرەك.

«بىزدە جاپپاي تۋريزم جوق. وسىنى ەسكەرە وتىرىپ، مەملەكەت ادامداردىڭ كۋرورتتارعا جەتۋىنە جاعداي جاساۋى كەرەك. ماسەلەن، جولدى جوندەۋ، جەڭىل اۆياتسيا كىرگىزۋ. مىنا تۇرعان كولساي مەن قايىڭدىعا ادامدار قازىرگىدەن دە تەز جەتۋى ءتيىس. سول كەزدە كاسىپكەر اقشاسىنىڭ قايتاتىنىنا سەنىمدى بولىپ، بانكتەن كرەديت الادى»، - دەدى راشيدا شايكەنوۆا.

تۋريستىك سالاداعى كاسىپكەرلەردى قولداۋعا بايلانىستى الماتىدا ارنايى باعدارلاما بار. جاڭادان كەلگەن كاسىپكەرلەردىڭ كوپشىلىگى اتالعان باعدارلاما بويىنشا نەسيە العان.

 «تۋريستىك سالانى دامىتۋعا «الماتى تۋريزم» باعدارلاماسى ىسكە قوسىلدى. كاسىپكەرلەر وسى باعدارلاما ارقىلى ارىپتەس بانكتەردەن نەسيە الا الادى. وسى باعىتتا 400 ميلليون تەڭگە ءبولىندى. كاسىپكەرلەر ەڭ كوبى 100 ميلليون تەڭگە الادى»، - دەدى دامۋ قورىنىڭ وكىلى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى