جۇكتى ايەلدەر ۇشاقپەن قالاي ساپارلاي الادى

«ءبىر بالاعا جۇكتىلىگى 22 دەن 34 اپتاعا دەيىنگى جانە ەگىزدەرگە نەمەسە ۇشەمگە جۇكتىلىگى 22 دەن 32 اپتاعا دەيىنگى مەرزىمدى قۇرايتىن ايەلدەر ۇشاقپەن مەديتسينالىق قورىتىندى بولعان كەزدە عانا ساياحاتتاي الادى»، - دەلىنگەن حابارلامادا.

سونىمەن قاتار دارىگەر بەرگەن انىقتاما ۇشىپ باراتىن ەلدىڭ تىلىنە دە اۋدارىلۋى ءتيىس. «ەگەر ۇشار الدىندا ءوزىڭىزدى جايسىز سەزىنەتىن بولساڭىز، وندا ۇشۋ مۇمكىنشىلىگى تۋرالى شەشىم قابىلداۋ ءۇشىن دارىگەرىڭىزبەن حابارلاسۋىڭىزدى وتىنەمىز»، - دەيدى اۋە كومپانياسى جۇكتى ايەلدەرگە.

ايتا كەتەيىك، الەمدە ۇشاق ەكيپاجىنىڭ جۇكتى ايەلدە اۋە كەمەسىنىڭ بورتىندا بوساندىرىپ الاتىندىعى سيرەك بولسا دا كەزدەسىپ جاتادى.

ماسەلەن، ماۋسىم ايىنىڭ سوڭىندا ساۋد ارابياسىنىڭ ەد-دامماما قالاسىنان كوچچي قالاسىنا ۇشىپ شىققان ءۇندىستاننىڭ Jet Airways لاينەرىنىڭ بورتىنداعى ايەلدىڭ تولعاعى توسىننان كەلگەن ەدى.

ابىروي بولعاندا ۇشاقتا فەلدشەر بولىپ ول ەكيپاج مۇشەلەرىنىڭ كومەگىمەن ايەلگە كومەك كورسەتكەن بولاتىن. Boeing 747 ۇشاعى جەرگە قونعانعا دەيىن جۇكتى ايەل امان-ەسەن بوساندى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى